Serok Bafil ji bo bîranîna serhildanê: Em ê rêya şaş a siyaset û rêveberiyê sererast bikin
Kurdistan 11:48 AM - 2024-03-05Serok Bafil Celal Talabanî
Serokê Yekîtiya Niştimanî ya Kurdistanê Bafil Celal Talebanî bi boneya 33 saliya serhildana gelê Kurdistanê daxuyaniyek belav kir û tê de tekez kir ku armanca Yekîtiya Niştimanî ya Kurdistanê bilindkirina gelê Kurdistanê ye û axa wê biparêze.
Daxuyaniya Serok Bafil Celal Talebanî wiha ye:
Welatiyên hêja
Ey heyranên birûmet ên Rania û herêma Raparin
Em îro serhildana dîrokî ya gelê Kurd û mêrxasî û qehremaniya we bi serbilindî bi bîr tînin, Pêşmergeyên qehreman û hemû têkoşerên ku tarîtiya şevan ronî kirin û mizgîniya pêşerojeke geş ji bo Kurdistanê anîne bi bîr tînin.
Yekîtiya Niştimanî ya Kurdistanê bi mezinahiya dîroka geş û birûmet a ku we tomar kiriye dizane û we çend kurên leheng dane vê xakê, em bi bîr tînin ku we çiqas êş û azar kişandiye û we çawa tama xofa jiyanê dîtiye lewra Yekîtiya Niştimanî ya Kurdistanê hertim xwe deyndarê we û malbatên şehîdên me yên birûmet dibîne.
Em pê dihesin ku gelek rexne hene, armancên ku xwîna pak a şehîdên me ji bo wan hatiye rijandin, wekî wan pêk nehatiye, xizmetguzarî ne di asta pêwîst de ye û rewş ne ya we ye û me jî hêvî dikir.Lê weke berê jî me soz dabû, emê vê rêbaza şaş a siyaset û rêvebirinê serast bikin û pêgeha destûrî ya Kurdistanê di navenda biryarên siyasî yên Bexdayê de biparêzin û niha jî dupat dikin ku YNK hêzeke ku pişta xwe bide gelê xwe û dest ji gel bernedaye û bernade.
Di heyama derbasbûyî de, bi alîkariya Xwedayê mezin û piştre jî bi piştevaniya hemwelatiyên hêja yên Kurdistanê, me gavên bibandor ji bo jiyana gelê xwe avêtiye û encamên wan jî bi zelalî xuya ne û bê guman tişta ku me kiriye û em ê bikin jî di çarçoveya parastina berjewendiyên bilind û netewî de ye, piraniya armancên me pêşdebirina gel û parastina axa Kurdistanê ye.
Silav li ruhê şehîdan û serxweşî ji bo malbatên wan ên dilsoz û serbilind.
Her tim şad û bextewar bin.
Bafil Celal Talabanî
Serokê Yekîtiya Niştimanî ya Kurdistanê
PUKMEDIA
hewal ziyatr
-
Encumena Nûneran dê hefteya bê serokê xwe hilbijêre
04:50 PM - 2024-05-09 -
Hêzên Dijî Terorê û Koalîsyonê 3 terorîst girtin
11:40 PM - 2024-05-08 -
Serok Bafil ji Dengê Amerîka re got: Hêzên Amerîkî yekser ji Îraqê dernakevin
10:58 PM - 2024-05-08 -
Daxwazên bazirganên bazara Qeyser li Hewlêrê rewa ne
09:22 PM - 2024-05-08
zêdetir tamaşe bike
Konferansa vegera penaberan hat lidarxistin
05:23 PM - 2024-05-10
YNKê daxwaza qerebûkirina qurbaniyên bazara Qeyser a Hewlêrê dike
02:13 PM - 2024-05-10
Dahata Silêmanî ya heftane zêdetirî 10 milyar e
09:55 AM - 2024-05-10
zortrin xwendraw
-
Li hember zilma li ser cotkarên gundê Palkana bêdeng nemînin
Kurdistan 10:02 PM - 2024-05-10 -
YNKê daxwaza qerebûkirina qurbaniyên bazara Qeyser a Hewlêrê dike
Kurdistan 02:13 PM - 2024-05-10 -
Dahata Silêmanî ya heftane zêdetirî 10 milyar e
Kurdistan 09:55 AM - 2024-05-10 -
Konferansa vegera penaberan hat lidarxistin
Kurdistan 05:23 PM - 2024-05-10