Yekîtiya Niştimanî li Kerkûkê li gel Partiya Demokrat dicive

PUKMEDIA

Kongreya Rojnamevanî

Biryar e Yekîtiya Niştimanî ya Kurdistanê li bajarê Kerkûkê ligel Partiya Demokrat a Kurdistanê civînekê lidar bixe û çend dosyayên hevbeş gotûbêj bike.

Berpirsê Navenda Rêkxistinên Kerkûkê ya Yekîtiya Niştimanî ya Kurdistanê Rewend Mella Mehmûd ji PUKMEDIA re ragihand: Niha Yekîtiya Niştimanî dê îro Duşemê pêşwaziya şandeke Partiya Demokrat a Kurdistanê li Kerkûkê bike.

Got jî: Di civînê de dê behsa bihêzkirina peywendiyên dualî û rewşa niha ya Kerkûkê were kirin û herwiha pirsa pêkanîna hikûmeta herêmê bi beşdariya hemû aliyên ku di hilbijartinan de bi ser ketine, were gotûbêjkirin.

Aliyên serketî li ser berdewamiya gotûbêjên dualî razî ne
Duh bi amadebûna Serokê Yekîtiya Niştimanî ya Kurdistanê Bafil Celal Talebanî û Serokwezîrê Encumena Wezîrên Federal Mihemed Şeya Sûdanî, serkirdeyên aliyên siyasî yên serketî di hilbijartinên Encûmena Parêzgeha Kerkûkê de duh duyemîn civîna xwe li Bexdadê li dar xistin.

Di hevdîtinê de li ser berdewamiya gotûbêjên dualî di navbera aliyên siyasî yên serketî de hat destnîşankirin ku li ser kaxezên xebatê yên ku di hevdîtinê de hatine pêşkêşkirin, di nava du hefteyan de yek kaxez were danîn û şêwaya hevkariyê ku pirsgirêkên di navbera hêzên siyasî yên cuda de çareser dike, bi awayekî ku leztir bigihê bijartinê, parêzgarê nû û hilbijartina serokê encûmena parêzgehê.

Di civîna yekem a hêzên siyasî yên Kerkûkê de li ser çend pirensîp li hev kirin, ji wan jî rêkeftina avakirina hevpeymaniyek ji bo birêvebirina Kerkûkê ji hemû hêzên serketî, ku bibe sîwaneke siyasî ji bo wê, Serokwezîrê Federalî serokatiya civînên hevpeymaniyê bike heta ku mafên destûrî yên di avakirina hikûmeta xwecihî de pêk werin.



PUKMEDIA