Serokê Herêmê dema hilbijartinên Kurdistanî diyar kir

PUKMEDIA

Hilbijartin

Îro yekşemê 03.03.2024 Serokê Herêma Kurdistanê biryarnameyeke herêmî îmze kir û tê de roja lidarxistina hilbijartina şeşemîn civîna Parlamentoya Kurdistanê diyar kir.

Ev ferman li ser bingeha xala (duyem) madeya (yekem) ya yasaya guhertina hejmara (1) ya serokatiya Herêma Kurdistanê ya sala 2005ê hat, ku li gor wê biryarê Nêçîrvan Barzanî serokê herêma Kurdistanê biryar da (10/6/2024) wek roja hilbijartinên giştî ji bo rûniştina şeşemîn a Parlamentoya Kurdistanê be.

Berdevka Komisyona Bilind a Serbixwe ya Hilbijartinan Cumana El-Gelay di daxuyaniyeke beriya niha de ji (PUKMEDIA) re ragihandibû, ku komîsyon aliya cîbicîker a pêkanîna hilbijartinên Parlamentoya Kurdistanê ye û navên hemû dengderên Kurdistanê li cemme hene, û wê çend rênima û sîstemên ku şefafî û paqijiya hilbijartinan û li gor tomara dengderan garantî dikin, ava bike li gor makîneyên dengdanê yên elektronîkî li komîsyonê.”
Li gor fermana herêmê, hemû aliyên pêwendîdar neçar in ku ji bo cîbicîkirina vê fermanê, ku ji îro pê ve dê bikeve ware cîbicîkirinê, tiştên pêwîst ji bo hevkarî û hevahengiyê ligel Komîsyona Bilind a Serbixwe ya Hilbijartinan pêk bînin.


PUKMEDIA