Kêmkirina aloziyan û pêkanîna diyalogê di çareserkirina nakokiyan de
Êraq 10:14 PM - 2024-03-02Hevdîtinên Serokkomar
Serokomarê Iraqê Dr.Ebdulletîf Cemal Reşîd îro Şemiyê 2ê Adara 2024ê, di çarçoweya 7emîn Korbenda Welatên Hinardekarên Gazê (GECF) de, li mala serokomariya xwe ya li bajarê Cezayîrê, pêşwazî li şandeke Îranî bi serokatiya serokkomar Îbrahîm Raîsî kir.
Di hevdîtinê de peywendiyên Iraq û Îranê û dîroka hevbeş û baweriyên olî yên di navbera her du welatan de hatin gotûbêjkirin.
Cenabê Serok bal kişand ser giringiya berfirehkirina asoyên hevkariyê bi awayekî ku xizmeta berjewendiyên hevpar bike û xwestekên her du gelên cîran ji bo bidestxistina geşepêdana giştalî pêk bîne.
Her du serok li ser girîngiya lidarxistina 7. Civîna Bilind a Foruma Welatên Îxracê Gazê (GECF) li hev kirin û beşdariya cidî ya lûtkeyê ji bo aramiya sektora enerjiyê û bidestxistina hevsengiyê di navbera ewlehiya enerjiyê û kêmkirina gazê de, piştgirîkirina rasyonalîzekirinê û parastina jîngehê girînge.
Di derbarê geşedanên li herêmê de, cenabê Serok Ebdulletîf Cemal Reşîd tekezî li ser giringiya xebata ji bo kêmkirina aloziyan, danîna diyalogên avaker ji bo çareserkirina kêşeyan û xebata ji bo pêkanîna aşitî û ewlehiya navdewletî kir û di vî warî de amaje bi pêwîstiya rawestandina êrîşan kir li Zîvala Gazzeyê û arîkariyê bidin gelê Filistînê yê ku rûbirûyê tundtirîn şêweyên êrîşan dibin û bi dayîna mafên wî yên rewa bi dawîkirina êş û azarên wî yên mirovî kirin.
Li hember de jî Serokkomarê Îranê balkişand li ser dilgiraniya welatê xwe ji bo piştgîrî kirina ewlekarî û aramiya Îraqê û amaje bi vê yekê kir ku hikûmeta xwe ji bo hemahengî û hevkariyên hevbeş di navbera her du welatan de bi awayekî ku aramî û aştiya gelên navçeyê pêk bîne, nîşan da. Serok Îbrahîm Rayîsî her wiha rola sereke ya Iraqê di nêzîkkirina nêrînên welatên navçeyê de bilind nirxand.
PUKMEDIA
hewal ziyatr
-
Komîsyonê ji %90ê amadekariyên hilbijartinan temam kirine
12:02 PM - 2024-05-04 -
Qubad Talebanî: Mirina çend endamên komeke çiyageran em hemû xemgîn kir
10:53 PM - 2024-05-03 -
Asayîşê dest danî ser kargeheke çêkirina madeyên hişber
06:08 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
11:14 AM - 2024-05-02
zêdetir tamaşe bike
Serok Bafil diçe Amerîka
05:42 PM - 2024-05-04
Talebanî ji Amerîkayê re: Paşxistina hilbijartinan zirarê dide Kurdistanê
04:23 PM - 2024-05-04
Serok Bafil û Helbûsî: Parastina jiyana xelkê û aramkirina welat
06:55 PM - 2024-05-03
Serok BafIl û Sûdanî: Divê qanûn bibin bingeh derbaskirina kêşeyan
04:04 PM - 2024-05-03
zortrin xwendraw
-
Kurdistan û Pêwîstiya Hilbijartinê
Nêrîn 05:27 PM - 2024-05-04 -
Komîsyonê ji %90ê amadekariyên hilbijartinan temam kirine
Kurdistan 12:02 PM - 2024-05-04 -
Serok Bafil diçe Amerîka
Kurdistan 05:42 PM - 2024-05-04 -
Talebanî ji Amerîkayê re: Paşxistina hilbijartinan zirarê dide Kurdistanê
Kurdistan 04:23 PM - 2024-05-04 -
Şandeke YNKê li Dubey girêbestên çandinî û veberhênanê îmze dike
Kurdistan 08:32 PM - 2024-05-04