Çemçemal... 172 cenazeyên qurbaniyên Enfalê hatin definkirin

Kurdistan 01:37 PM - 2024-02-20

Beşek ji termên qurbaniyên Enfalê

Cenazeyên 172 qurbaniyên Enfalê yên parêzgeha Germiyanê dê sibe bên veşartin.

Li gorî daxuyaniya Ofîsa Ragihandinê ya Xanima Yekem a Iraqê ku nusxeyek ji PUKMEDIAyê re hatiye şandin:’’Cenazeyên 172 qurbaniyên Enfalê dê sibê li Çemçemalê bên definkirin , ku 4 sal û 6 meh in li pizîşka dadwerî ya Bexdayê mane.’’

Di daxuyaniyê de hat gotin, "Hewldanên xanima yekem di çarçoveya daxwazên xizmên qurbaniyan de ye ku termên wan vegerînin."

Ji xizmên qurbaniyên Enfalê nimûneyên xwînê tên girtin

Li ser daxwaza xanima yekem a Iraqê Şanaz Îbrahîm Ehmed, tîmeke taybet bo wergirtina xwînê ji xizmên qurbaniyan gihîşte Çemçemalê ji bo naskirina cenazeyan testa DNA’yê ji mîratgirên mexdûrên Enfalê re dikin.

Şêwirmenda Hikûmeta Herêma Kurdistanê Perî Nûrî Ezîz ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand: "Tîmeke pizîşka dadwerî ya Iraqê roja 17ê Sibata 2024ê dest bi berhevkirina nimûneyên xwînê ji xizmên qurbaniyên Enfalê kiriye û dê 5 rojan berdewam bike. Ev prose dê li ser daxwaza xanima yekem a Iraqê were cîbicîkirin."

"Piştî wergirtina nimûneyên xwînê ji xizmên qurbaniyên Enfalê, dê proseya testa DNA li Bexdayê dest pê bike û li gorî qanûnê, divê hikûmeta Iraqê xerciya testan bigre ser xwe û piştî ceribandinê, merasîma veşartinê dest pê dike." Wî got.

Zêdeyî 40 roj in cenaze li herêmê ne

Roja 13-1-2024 bi merasîmeke hêja termê 172 qurbaniyan hatin vegerandin û sibe cenazeyên 172 qurbaniyên Enfalê dê sibe 21-2-2024`an bi amadebûna xizmên qurbaniyan, berpirsên hikûmet û partiyan, rêxistinên civaka sivîl, nûnerên konsulxaneyan û kesayetiyên olî werin veşartin.
PUKMEDIA