Serok Bafil: Ji bo çareserkirina pirsgirêkan bijardeya herî baş diyalog e

PUKMEDIA

Serokê Yekîtiyê û Şêwirmendê Ewlehiya Neteweyî yê Emîrê Qeterê

Serokê Yekîtiya Niştimanî ya Kurdistanê (YNK) Bafil Celal Talebanî di çarçoweya duyemîn roja Konferansa Asayîşa Munchenê de ligel Şêwirmendê Asayişa Netewî ya Mîrê Qeterê Mihemed Bin Ehmed Bin Ebdullah El-Mesned civiya.

Di hevdîtinê de behsa girîngtirîn pêşhatên siyasî, emnî û aborî yên li Herêma Kurdistanê û Iraqê hat kirin û tekez li ser wê yekê hat kirin ku aramî li navçeyê de were parastin, daku hemû hêz û aliyên siyasî hewl bidin ku pirsgirêkan çareser bikin û diyalog û jihevtêgihiştin bibe bingehê karên pêşerojê.

Serok Bafil Celal Talebanî got ku divê hemû alî li hember alozî û nakokiyên li Rojhilata Navîn bi hişyarî tevbigerin û got;Bê guman pêşeroja herêmê bi biryarên biaqilane ve girêdayî ye, bijardeya herî baş ew e ku vegerin  diyalogê û derbaskirina wan pirsgirêkên ku rê li ber aştî û aramiya herêmê vebikin.

Di hevdîtinê de Serok Bafil tekez li ser pêşxistina peywendiyan û hemahengiya di navbera Qeter û Herêma Kurdistanê de kir bi awayekî ku hevkarî bikeve xizmeta berjewendiyên bilind ên her du aliyan û bihêzkirina asayîş û aramiya navçeyê.
PUKMEDIA