Yekîtî û Goran: Ji bo lidarxistina hilbijartinên Parlamentoyê êdî dem winda nekin

Nivîsgeha Ragihandina Qubad Talebanî

Komcivîna Goran û YNK

Îro Yekşemê 11-2-2024 Yekîtiya Niştimanî ya Kurdistanê û Tevgera Goran bi amadebûna Mistefa Seyd Qadir û Qubad Talebanî li Silêmaniyê civiyan.

Civîn di çarçoveya hewlên yekrêzî û nêzîkkirina nêrîn û helwestên aliyên siyasî yên li ser çawaniya çareser kirina kêşeyên siyasî û aborî yên Kurdistanê û rûbirûbûna wan metirsiyên li ser Herêma Kurdistanê de hate lidarxistin.

Di destpêka hevdîtinê de Qubad Talebanî pîrozbahî li lidarxistina konferansa Goran kir û û hêviya serkeftinê jêre xwast.

Piştî gotûbêjkirina rewşa siyasî û aborî ya Herêma Kurdistanê, her du alî li ser wê yekê hemfikir bûn ku pêwîste YNK û Gorran li gel aliyên din ên siyasî yên Kurdistanê kar bikin ji bo yekhelwêstî û yekrêzî li ser mijarên girîng.

Di mijareke din de behsa pirsa hilbijartinên parlamentoya Kurdistanê hat kirin û her du alî li ser wê yekê hevdeng bûn ku êdî dem neyê windakirin û hilbijartin bên kirin.

Di beşeke din ya civînê de pirsa mûçeyê fermanberên Hikûmeta Herêma Kurdistanê hate gotûbêjkirin û her du alî hevdeng bûn ku hemû alî hevkar bin ku destkeftên darayî yê Herêmê tevlî pirsên siyasî nebinû li gel Bexdadê bighîjin rêkeftinekê ku mafên mûçexwarên Herêmê parastî be.

Her wiha biryar hat dayîn ku ji bo rêveberiya baştir û bi awayekî ku xizmeta welatiyan bike zêdetir hemahengî bê kirin.

PUKMEDIA