Qubad Talebanî bang li Koreya Başûr dike ku di warê teknolojiyê de piştgir be

Ragihandina cîgirê serok wezîr

Qubad Talebanî û Sin-Gul Lîm Konsulê Giştî yê Koreya Başûr

Îro pênşemê 2-08-2024ê li bajarê Hewlêrê, Qubad Talebanî Cîgirê Serokwezîrê Herêma Kurdistanê pêşwaziya Sin-Gul Lîm Konsulê Giştî yê Koreya Başûr li herêmê kir û di civînê de çend mijarên bi hevbeş ên giring gotûbêj kirin.

Di hevdîtinê de behsa çawaniya bihêztir kirina peywendiyên di navbera her du welatan de li warên teknolojî, pîşesazî û geştyarî û çawaniya sûdwergirtina deverê ji ezmûna serkeftî ya pêşkeftina aborî ya Koreya Başûr hate kirin.

Li beşekî dinê vê hevdîtinê de her du alî tekez li ser giringiya pirrengkirina aboriya Herêma Kurdistanê û piştbestin bi şiyanên ciwanan di warên dahênerî û teknolojiyê de kirin.

Di vê derbarê de Qubad Talebanî nêrîna xwe ya di derbarê baştir kirina îdare û geşepêdana aboriya Herêma Kurdistanê pêşkêş kir û daxwaz ji Seulê kir ku zêdetir piştgîriya herêmê bike, bi taybetî parvekirina pisporî û ezmûnên serkeftî yên wî welatî.

PUKMEDIA