Xelata Mandela ji bo Asayîşa Herêma Kurdistanê hat dayîn

PUKMEDIA

Logoya Asayîşa Herêma Kurdistanê

Îro Sêşemê 02.06.2024ê, Tora Dadwerî ya Girtiyan li Iraqê (JNP) ji bo cîbicîkirina pîvanên navdewletî yên derbarê lêpirsîna tohmetbaran de, xelata Mandela da dezgeha Asayîşê li Herêma Kurdistanê.
Di daxuyaniya Weqfa Asayîşê de ku nusxeyek jê ketiye destê PUKMEDIA’yê de hat gotin, “Sepandina pîvanên navneteweyî yên têkildarî dema lêpirsîna kesên sûcdar û tomarkirina van pêvajoyan bi kamerayan, ji bo Yekem car li Herêma Kurdistanê û Iraqê, ji aliyê Dezgeha Asayîşê ya li herêmê ve, ku saziyeke niştimanî ye bi ewlehî û aramiyê ve mijûl e.” Ji ber vê yekê, xelata Mandela ji aliyê rêxistina Tora Dadwerî ya Girtiyan ve, ji bo Weqfa Asayîşê hat dayîn.
Di daxuyaniyê de wiha hat gotin: "Xelata Mandela li cîhanê ji bo saziyên ku di lêpirsîna bersûcan de standardên yasayî bi cih bînin, tê dayîn. Weqfa Asayîşê li gorî hemû pîvanên navneteweyî tevdigere û bi kamerayan pêvajoya lêkolînan tomar dike."
Di dawiya daxuyaniyê de tekezî li ser wê yekê hat kirin ku "Weqfa Asayîşê saziyeke bi ewlekarî û aramiyê ve girêdayî ye û li ser pêkanîna rêkarên herî bilind ên yasayî berdewam e."
Tora Dadwerî ya Girtiyan yekemîn û tekane tora li Iraqê ye ku ji sala 2007ê ve di warê mafên mirovan, bi taybetî mafên girtiyan û alîkariya dezgehên fermî yên dewletê di pêşxistina yasayan de li gor pîvanên navdewletî yên mafên mirovan hatiye damezrandin.
PUKMEDIA