Şalaw Kosret Resûl: Em ji bo hilbijartinan amade ne

PUKMEDIA

Şalaw Kosret Resûl û James Goldman

Şalaw Kosret Resûl êvariya îro li bajarê Silêmaniyê pêşwaziya James Goldman Konsulê Giştî yê Brîtanya li Herêma Kurdistanê û şanda li gel kir.
Di destpêka hevdîtinê de Şalaw Kosret Resûl pîrozbahî li Konsulusê nû yê Brîtanya kir û hêviya serkeftinê jê re xwest.
Her du aliyan rewşa Herêma Kurdistanê, encamên hilbijartinên encumenên parêzgehên Iraqê, pêwendiyên di navbera hêz û aliyên siyasî yên Kurdistanî û Iraqî de gotûbêj kirin. Şalaw Kosret Resûl ragihand, armanca YNKê ew e ku hemû pirsgirêkan bi diyalog û jihevtêgihiştinê çareser bike.
Hilbijartinên bê yên parlamentoyê mijareke dinê civînê bû, Şalaw Kosret Resûl amaje bi plan û bernameya YNKê ya  hilbijartinan kir û got: “Em ji bo hilbijartinan amade ne.’’
PUKMEDIA