Partiyeke Iraqî bang li serkirdetiya YNKê dike ku destpêşxeriyê bike

Kurdistan 05:54 PM - 2024-01-30

Serokê YNK

Partiyeke Iraqî daxwaz ji Serokê Yekîtiya Niştimanî ya Kurdistanê Bafil Celal Talebanî kir ku di berdewamiya nêzîkatiya Serok Mam Celal de ku roleke berçav di komkirina pêkhateyên cuda yên Iraqê de hebû, pirojeya diyaloga niştimanî di navbera aliyên Iraqî bike. Çend tehdîd û pirsgirêk hene ku metirsî ne li ser Iraqê, ji ber wê jî rola giring a Serok Bafil û Yekîtiya Niştimanî ya Kurdistanê (YNK) diyar e û partiya Iraqî jî ji vê perspektîfê daxwaza destpêşxeriyê dike.
Îro sêşemê 30.01.2024ê Sekreterê Giştî yê Partiya Umeta Iraqê Mehmûd Egilî serdana baregeha Yekîtiya Niştimanî ya Kurdistanê (YNK) ya li Bexdayê kir û berpirsê Navenda Bexdayê ya Yekîtiya Niştimanî ya Kurdistanê Rebîha Hemed Ebdullah pêşwazî lê kir.

YNKê  xwedî nêzîkatiyeke neteweyî ye li ser rêya Serok Mam Celal

Derbarê civînê de Seroka Navenda Bexdayê Rebîha  Hemed ji malpera fermî ya Yekîtiya Niştimanî ya Kurdistanê PUKMEDIA re ragihand: “Li ser esasê rola mezin a Serok Mam Celal li Iraqê û berdewamiya Serok Bafil Celal Talebanî di heman nêzîkatiyê de, Sekreterê Giştî yê Partiya Ummeyî Mehmûd El-Ugaîlî bang li Serokê Yekîtiya Niştimaniya Kurdistanê Bafel Celal Talebanî kir ku, projeya diyaloga niştimanî ji bo berjewendiya gelên Iraqê û çareserkirina pirsgirêkan li welat ku di vê qonaxa niha de di mexdûriye de pêş bixe.
Rebîha Hemed got ku serokê Partiya Ummet piştrast kir ku :"Yekîtiya Niştimanî xwedî nêzîkatiyek niştimanî ye û di nav partî û hêzên siyasî de û heta di asta civakê de jî tê qebûlkirin."
Her wiha got: Di destpêka hevdîtinê de şanda mêvan pîrozbayî li Yekîtiya Niştimanî ya Kurdistanê kir ji ber serkeftina di hilbijartinên Encûmena Parêzgehan de, bi taybetî li Parêzgeha Kerkûkê û balkişand li ser wê yekê ku her du aliyan behsa çend mijarên siyasî kirin. Serokê  Partiya Ummeyî ya Iraqê pêşnûmeya diyaloga niştimanî pêşkêş kir û tekez kir, ku navenda Bexdayê dê vê  bi fermî ji Partiya Umme wergirt û ji Serok Bafil Celal Talebanî re bişîne.

Mala Serok Mam Celal, parêzvanê hemû Iraqiyan e

Berpirsê navenda Bexdayê ya Yekîtiya Niştimani ya Iraqê diyar kir: “Niha Iraq tûşî çendîn pirsgirêkên navxweyî û derve bûye, ji wan pirsgirêkên di navbera hikûmeta federal û hikûmeta Herêma Kurdistanê de û  bi zanîbûna metirsîyên li ser Iraqê, bang li Serokê Yekîtîya Niştîmanî hate kirin ku mala Serok Mam Celal li Bexdayê wek berê bike konek ji bo komkirina bîr , raman û arasteyên cuda û çareserkirina pirsgirêkan.
Berpirsa Navenda Bexdayê amaje bi wê yekê jî kir ku wê şanda mêvan piştrast kiriye ku;“Yekîtiya Niştimanî bi berdewamî li ser rêya Serok Mam Celal dimeşe û hewla çareserkirina pirsgirêkên  siyasî yên berdest bi diyalog û jihevtêgihiştinê.”
Wê amaje bi wê yekê jî kir ku, şanda Partiya Ummeyî ya Iraqê nerazîbûna xwe li hember neşandina pişka Herêma Kurdistanê ji bûdceya Herêma Kurdistanê û paşxistina mûçeyên karmendên herêmê nîşan da û amaje bi wê yekê jî kir, ku pirojeya diyaloga niştimanî karîne hemû pirsgirêkan çareser bike. Li ser pirsgirêkên Iraqê, Serok Bafil  wek kesekî hêjayî qebûlkirina vê projeya neteweyî ya ku di berjewendiya hemû Iraqiyan de ye, dinirxîne."
PUKMEDIA