Lijneyek ji bo şopandina şandina mafên Herêmê hate avakirin

PUKMEDIA

Civata Nûneran, Dînarê Îraqî

Endamekî Komîteya Darayî ya Civata Nûneran dibêje:“Lijneyek ji bo lêkolînkirina çawaniya terxankirina 618 milyar dînar bo mûçeyê meha yekê ya karmendên hikûmeta Herêma Kurdistanê û asta cîbicîkirina erkên herêmê di yasaya bûdceyê de hatiye avakirin. ‘’
Endama Lijneya Darayî ya parlementoya Iraqê li ser firaksyona YNKê,Dr.Nermîn Maaruf ji malpera fermî ya Yekîtiya Niştimani ya Kurdistanê PUKMEDIA re ragihand: “Di berdewamiya hewlên me de ji bo garantîkirina mafên welatiyên Herêma Kurdistanê bi taybetî mûçeyên karmend û xanenişînan di bûdceya federalî de û ji bo dîtina çareseriyeke radîkal ji pirsa mûçeyan re di serastkirina yasaya bûdceyê de, biryar hat dayîn ku komîteyeke taybet ji bo şopandina dayîna alîkariyên diravî yênHerema  Kurdistanê bê avakirin. 
Dr. Nermîn Maaruf got: “Li ser pêşniyara ku ji aliyê me ve hatiye pêşkêşkirin, biryar e roja Yekşemê 28.01.2024ê ji hejmarek endamên Komîteya Darayî ya Parlamentoyê komîteyek taybet bi armanca şopandin û pêşkêşkirina raporteke lezgîn were avakirin li ser rêkarên Wezareta Darayî ya Federalî ji bo dabînkirina mafên darayî yên Herêma Kurdistanê, bi taybetî piştî biryara Encûmena Wezîrên federal, 618.5 milyar dînar wek mûçeyê karmendên Herêma Kurdistanê bo meha 12 Çile û herwiha şopandina pabendbûna herêmê bi xalên qanûna bûdceyê re.”
Encûmena Wezîrên Federal di civîna xwe ya roja Yekşemê 14.1.2024ê de biryar da ku zêdetirî 618.5 milyar dînar ji bo dabînkirina mûçeyên fermanberên Herêma Kurdistanê di çarçoveya pişka Herêma Kurdistanê de ku ji %12.67ê bûdceya giştî ya federal a sala  2024 an.
Li gor qanûna budceya giştî ya federal para herêmê ji bûdceya salên (2023, 2024 û 2025an) bi rêjeya %12,67 hatiye veqetandin û biryara Lijneya Wezîran a Federal jî li ser vê pişka rastî hatiye dayîn bo  xerckirin.
Biryar e hikûmeta federal mehane vê mûçeyê bişîne heta ku lihevkirinek ji bo guhertina qanûna bûdceya federal were kirin, lê Wezareta Darayî ya Federal dibêje  hêj hejmara diyarkirî ji herêma Kurdistanê ji me re neşandiye.”
PUKMEDIA