Korbenda Navdewletî ya Silêmanî karên xwe bi dawî anî

PUKMEDIA

Qubad Talebanî

Yekemîn Korbenda Navdewletî ya Silêmaniyê bo Afirînerî û Karzanî êvarê 25.01.2024ê danê êvarê karê xwe bi dawî anî, di encamê de pêşniyar û biryarên li gor berjewendiya xwedî kar û sermayeguzar û afrîneran de bû.

Cîgirê Serok Wezîrê Herêma Kurdistanê Qubad Talebanî di dawiya vê korbendê de gotarek pêşkêş kir û got: Demeke dirêj e em mijûlî amadekariyên vê pirojeyê ne, ku armanca wê şirovekirina pirsgirêkan û piştre danîna çareseriyên biaqilane ye.
Qubad Talebanî her wiha got: Tiştê xweş ew e ku niha xwediyê kar dikarin di nava 24 demjimêr de û bi bihayê tenê 63 hezar dînarên Êraqî ruxseta damezrandina kompaniyan werbigirin û bi vê yekê jî astengiyên li pêşiya xwediyên kompani û karsazan ji holê rakin.


Cîgirê Serokwezîr destnîşan kir ku me di vê korbendê de biryar da ku ji bo berjewendiya xwediyê kampaniyan û veberhêneran çend tedbîran bigirin ku ya herî girîng mijara komkirina bac û xercê ye. Axaftina xwed bi vê gotinê bi dawî anî: Ev korbenda ne tenê ji bo windakirina demê û pêşkêşkirina pirsgirêkan e, lê ji bo çareserkirina wan di xizmeta afirîneran de em ê bi xurtî dest bi xebatê bikin.

Çalakiyên Korbenda Navdewletî ya Afirînerî û Xebatê li bajarê Silêmaniyê îro berî nîvro, bo yekem car li Herêma Kurdistanê û Êraqê bi beşdariya 300 mêvan, xwedîkar û afrîner dest pê kir.
 Qubad Talebanî di axaftina xwe ya destpêkirina korbendê de got: Divê hevkarî di navbera saziyên hikûmetê û kardêrên ku di warê bazirganiyê de xwedî ramanên afirîner in, hebe û îmkanên pêwîst ji bo wan dabîn bikin. karibin kampaniyên xwe ava bikin û karûbarên xwe bi hêsanî bimeşînin û bi vî awayî ji kesên din re derfetên kar peyda bikin.

Wî zêde kir: "Ez gelek kêfxweş dibim dema ku ez van hemî beşdaran – konsulên welatan, nûnerên welatan, karsaz, afrîner û nûnerên hukûmetê - di çalakiyên korbendê de dibînim. Em li vir in ku ji pirsgirêkan re çareseriyên jîr û afirîner bibînin.

PUKMEDIA