Qubad Taleban: Em dikarin ji neyarên xwe jîrtir û zîrektir bin

Kenal 8

Qubad Talebanî

Yekem car li Herêma Kurdistanê û Êraqê Konferansa Navdewletî ya Nûjenî û Karsaziyê bi beşdariya 300 mêvanên taybet, konsulên welatan, xwedî kar û weberhên li Silêmaniyê dest pê kir.

Cîgirê Serokwezîrê Herêma Kurdistanê Qubad Talebanî di Korbenda Navdewletî ya Nûjenî û Karsaziyê de ku konsulên welatan lê made bûn gotarek pêşkêş kir û ragihand ku: Divê di navbera saziyên hikûmetê de li gel xwedîkar û kesên ku di warê bazirganiyê de xwedî ramanên afirîner in, hevkarî hebe û pêdiviyên pêwîst ji wan re bê pêşkêşkirin û ez kêfxweş im ku ev konferans li Silêmaniyê tê lidarxistin, ji ber ku Silêmanî her tim pêşeng bûye û em ji bo efrînerkirinê kom bûne.

Got jî: em îro ne tenê li ser gotûbêj û guhdarîkirina pêşnîyaran li vir in, belku em li vir ji bo çareserkirina wan astengên ku metirsî li ser geşepêdana aborî û bazarên kar li vira li Êraqê jî dikin, û divê em bi awayekî cidî wan astengan nas bikin û çareseriyên zîrek ji bo wan bibînin û ez li benda baştirîn encamên vê korbendê me ku rastiya aborî û jêrxana Herêma Kurdistanê pêş bikeve.


Cîgirê Serokwezîrê Herêma Kurdistanê got: Em dixwazin rastiya aborî pêş bixin, rast e gelek pirsgirêkên siyasî, aborî û emnî hene, lê ez piştrast im ku emê li ser van hemû pirsgirêk û kêşeyan derbas bibin û emê bi ser bikevin. Em li herêmeke tijî alozî û nerihet dijîn, dibe ku em ji dijminên xwe ne bihêztir bin, lê emê ji wan jîrtir bin û bi zîrekiya xwe emê ji diron û mûşekan bihêztir bin bi vî awayî emê li hember hemû pirsgirêkan bi ser bikevin. Dem dema dîtina çareseriyê ye.

PUKMEDIA