Serrastkirina yasaya Budce pirsgirêka mûçe çareser dike

Hewal 12:55 PM - 2024-01-17

Encumena Nûnerên Êraqê

Hewldanên mezin ji aliyê fireksiyonên Kurdistanî û di serî de Yekîtiya Niştimanî ya Kurdistanê ve bo serastkirina yasaya bûdceya federalî û çareserkirina pirsgirêka mûçeyên karmendan li Herêma Kurdistanê têne dayîn.

Yekîtiya Niştimanî ya Kurdistanê di wê baweriyê de ye ku pêwîste mûçeyên karmendan ji nekokiyên siyasî bên veqetandin û weke karmendên parêzgehên din ên Êraqê mûçeyên karmendan bi awayekî mehane bê dayîn.

Veqetandina mûçeyên karmendan ji nekokiyên siyasî

Dr. Nermîn Mairûf Endama Komîteya Darayî ya Encûmena Nûneran di hevpeyvîneke rojnamevanî de ligel malpera fermî ya Yekîtiya Niştimanî PUKMEDIA ragihand: Biryare di demek nêzîk de guhertina yasaya bûdceyê ji bo civata nûneran were şandin ji bo serrastkirinê, lê wê çend hefteyan berxwe bide heta ku were serrastkirin ji ber ku tê pêşbînîkirin ku ew serrastkirin di destpêka Sibata bê de pêk were û heta wê demê, tê çaverêkirin ku hikûmeta federal deynan bide Herêmê.
Endama komîteya Darayî ya Parlamentoyê tekez kir û got: Ya giring ji bo me ewe ku mijara mûçeyê fermanberên herêmê ji erkên hikûmeta Herêma Kurdistanê cuda bikin û weke hemû karmendên navçeyên din bi wan re mijûl bibin. Divê mûçeyên karmendan ji xercên rastî bên cudakirin û niha jî nêrînek heye ku pêwîst e mûçeyên hemû karmendên Êraqî û di nav wan de karmendên Herêma Kurdistanê jî tê de cih bigirin di çarçoveya lêçûnên hikûmetê, lê ev ne pêşniyara dawî ye, li benda rêkeftina her du hikûmetan ji bo çareseriyeke hevbeş ji bo pirsgirêka mûçeyan.

Serrastkirina madeyên girêdayî Herêma Kurdistanê

D.Nermîn Mairûf got: Daxwaza hikûmeta herêmê û fireksiyon Kurdistanî li civata nûneran ew e ku madeya 11 ku ji sala 2015 ve ketiye nav yasaya Budceyê  ku mûçeyên karmendan bi erk û pabendbûna hikûmeta Herêmê hember hikûmeta Federal û tevlîkirina mûçe di xerciyên rastî de aliyeke wê siyasî heye û divê were serrastkirin û dive herdu hikûmet li ser çawaniya guhertina madeyên nekok li hev bikin.

Li benda gîştina serrastkirina Budceyê ne

Endamê Komîteya Darayî ya Parlamentoyê Cemal Koçer ji PUKMEDIA re ragihand: Em li bendê ne ku guhertina bûdceya federalî ya sala 2024ê bigihêje Civata Nûneran, da ku em bibînin ka teksta guhertinê çi ye ku hikûmeta federal dişîne ji me re.
Got jî: Serokwezîrê Federalî rijd e bo çareserkirina kêşeya mûçeyên karmendan li herêma Kurdistanê û li gor sozên hatîne dayîn, hikûmeta federal bi nîyaz e ku bi yekcarî van pirsgirêkan çareser bike.

PUKMEDIA