Serok Komarê Estonya gihîşte Hewlêrê

PUKMEDIA

Serokê Herêmê û Serokê Estonya

Îro çarşem 17.01.2024 Serokê Estonya Alar Karis û şanda pê re bi rêya balafirgeha navneteweyî ya Hewlêrê gihîşt Herêma Kurdistana û ji aliyê Nêçîrvan Barzanî Serokê Herêma Kurdistanê hatin pêşwazîkirin.

Li gor zaniyariyên ber destê PUKMEDIAyê serokê Herêma Kurdistanê Nêçîrvan Barzanî û şanda pê re ku ji Wezîrê Pêşmerge Şoreş Îsmaîl û Parêzgarê Hewlêrê Omêd Xoşnav pêk tê, dê ligel Serokê Estonya Alar Karîs bicivin.

Serok Komar û Serokê Estonyayê civiyan
Duh Sêşemê li bajarê Bexdadê serok Komar D.Latîf Cemal Reşîd di gel Alar Karis serokê Estonyayê civiya û derbarê pêwendiyên du alî gotûbêj kirin .

Di hevdîtinê de Serok Komar tekez li ser bihêztir kirina peywendiyên navbera Êraq û Estonyayê û berfiretir kirina hevkariyên di warên aborî, jîngeh, çandinî, enerjiya nûjen, zanist û teknolojiyê û pevguhertina ezmûnan di warên hikûmeta elektronîk û ewlekariya Înternetê de kir.

PUKMEDIA