Cenazeyên 170 qurbaniyên Enfalê dê radestî Kurdistanê bên kirin

PUKMEDIA

Enfal

Îro Şemiyê 13-1-2024 termên zêdetir ji 170 qurbaniyên Enfalê yên Germiyanê dê bigihin axa pîroz a Kurdistanê û bi merasîmeke hêja werin veşartin.
Qaymeqamê navçeya Çemçemal Ramak Ramazan ku beşdarî merasîma şandina cenazeyên qurbaniyên Enfalê ji Bexdayê bo Herêma Kurdistanê bû, ji PUKMEDIA re axivî:Îro bi amadebûna xanima yekem a Iraqê Şenaz Îbrahîm Ehmed 172 termên qurbaniyên Enfalê dê bigihin axa pîroz a Kurdistanê.’’

Enfal

Enfal navê komkujiyeke (tevkujiyeke) li Başûrê Kurdistanê ji aliyê sazûmaniya Be's ve hatiye pêk anîn e. Navê xwe ji ayeta Quranê ya Enfalê digire.
A rastî Enfal ne navê qetlîamekê ye, lê navê rêze-tevkujiyan e[çavkanî hewce ye]. Pêla dawî ya Enfalê di 23ê sibata 1988an de li dijî Kurdan li Silêmaniye destpêdike. Li Dola Caf (Cafetî) tevkujî tê destpêkirin û di 6ê îlona 1988an de li Zaxoyê bidawî dibe. Ji Zaxoyê heya Çiyayê Hemrînê ti wargehekî kurdan nayê hîştin. Dîsa Qeladizê, Şivan, Axçeler û hwd gelek navçe tên rûxandin. Gelên li vir tên kuştin û hinek ji wan jî direvin Îran an Kurdistana di bin dagirkeriya Tirkiyeyê. Gelek jî dîl tê girtin û di kampên tunekirinê de tên komkirin.
Gorî statîstîkên navneteweyî li dora 182.000 kurd hatine windakirin[çavkanî hewce ye]. Îro hinek ji wan windayiyan di goristanên giştî de tên dîtin. Dîsa hatiye tesbîtkirin ku pirraniya kurdan bi saxî hatine binerdkirin. Piştî têkçûna sazûmaniya Be's li seranser Iraqê, gelek gorên bikom qurbaniyan hatine dîtin û li ser wan lêkolîn hatine kirin.
Lawên Kurd ji bo perwerdeya leşkerî dibiribûne kampan û bi navê "Lawên Saddam" binavdikiribûne. Rejîma Be's di sala 1983an de 8.000 mêrên eşîra Barzanî dîl digire û dikuje. Bi deh hezaran kurdên feylî herwiha dikuje û bi programa Enfalê jî dixwaze vîna gelê kurd ji holê rabike.
PUKMEDIA