Serok Bafil: Bi hev re ber bi qonaxeke medyayî nûh ve biçin

PUKMEDIA

Konferansa Borda Ragihandina Yekîtî

Serok Bafil Celal Talebanî ji bo duyemîn konferansa ji nû ve birêxistinkirin û dariştina siyaseta medyayî û amadekirina qonaxa nû) yê Borda Ragihandinê peyamek belav kir û tê de got: Nan û azadiya rojnamevan û nivîskaran ne tenê dirûşmeke siyasî ye, belku ferhenga giran a Serok Mam Celal û diparêzin, hûn ber nûbûnê ve gav bavêjin û biçin û em ê bi dil û can piştgiriyê bidin we.

Naveroka peyamê:
Beşdarên Konferansa Duyemîn a ji nû ve birêxistinkirin û dariştina siyaseta ragihandinê û amadekirina qonaxa nû
Hevalên Borda Ragihandinê
Rojnamevanên hêja

Beriya her tiştî lidarxistina konferansê li we pîroz dikim û hêviya serkeftinê ji we ra dixwazim.

hevalên hêja
Ji dil û can spasiya we dikim ji bo wê hewlên we yên ji bo serkeftina hevpeymaniya Kerkûk hêz û vîna me ye,û yekîtiya we li qudsa Kurdistanê, bêgumanher çend we di meşandina xebatên hilbijartinê de roleke girîng û bibandor lîst û em bi we serbilind in.
Amadebûyên hêja
Îro medya li cîhanê ber bi guherîn û pêşkeftina berdewam ve diçe, nûkirin û nûbûn daxwaz û erkê sereke yê medyayê ye ji bo ku xwe bi rewşê re biguncîne û li gorî daxwazên gel û nakokiyên pîşeyî bimeşe.

Ji ber ku em rewşa ragihandinê li cîhanê fêm dikin, divê em bi perspektîfek nû, bi sûdwergirtina ji pêşketinên teknolojîk û pabendbûna bi prensîbên karê rojnamevanî, siyaset û stratejiyek nû ji bo medyayê ji nû ve binivîsin û bi pêşveçûnên medyayî re bimeşin.
Rêheval, xwişk û birayên hêja
Hûn hemû pênûsên dilsoz û geş ên Yekîtiya Niştimanî û paristvanê yekîtî û doza rewa ya gelê me bûn, hûn dengên azad û wêrek bûn, tevî ku di heyama aştiyê de we roleke girîng di hişyarkirina civakê û pêşxistina rojnamegeriyê de hebû, em bi we hemûyan serbilind in û em bi şiyanên we piştrast in, ez piştrast im ku di vê konferansê de hûn ê ji pispor û akademîsyenan sûd werbigirin û bi hev re ber bi medyayeke nû ve biçin. qonaxek ku dê daxwazên welatiyan pêkbîne.

Hêjano…
Medyaya me ya dîtbarî, nivîskî û dengî pêwîstî bi vekolîneke cidî û guhertinên radîkal heye, em dizanin ku pesnên me yên berê gelek in, lê ev têrê nake û divê nêrîna me ber bi pêşerojê ve be, ji bo vê yekê jî pêdiviya me bi danûstandineke bi ramana pêşkeftî û afrîner bi ragihandinê re heye û divê  bi gavên pratîk û siyaseteke nû ji bo karê medyayî bi awayekî xizmeta Kurdistan û berjewendiyên netewî bike.
Kêfxweş im ku konferansa Borda Ragihandinê çavkaniya bihêzkirina proseya ragihandinê ye di hemû saziyên partiyan de ku nûneratî û ragihandina hemû ofîs û navendan dikin.
Di dawiyê de tekez li ser wê yekê dikim ku nan û azadiya rojnamevan û nivîskaran ne tenê diruşmeke siyasî bû, belku ferhengeke hêja bû ji bo Serok Mam Celal û emê wê biparêzin û hûn ber bi nûjenî û dahêneriyê ve biçin û em jî piştevanê we bin.

Her tim şad û bextewar bin


PUKMEDIA