Li ser hilbijartina serokê nû yê civata nûneran gotûbêj

PUKMEDIA

Civata nûnerên Iraqê

Biryare serokên blokan li civata nûneran Iraqê civînekê wê  li dar bixin û li ser karê civata nûneran di heyama nû ya yasayî de, ku tê çaverêkirin serokê civata nûneran bê hilbijartin, gotûbêj bikin.
Meclîsa Nûneran bê serok ma
Endama Meclisa Nûneran ji Yekîtiya Niştimanî ya Kurdistanê Dr.Brîar Reşîd ji PUKMEDIA re ragihand: Biryare piştî bidawîhatina bêhnvedana yasayî civîna xwe ya asayî lidar bixe û amadekarî ji bo helbijartina Serokê  parlamentoyê were kirin. Got jî: Civata Nûneran niha bê serok e û dê rûniştina yekem bi serpereştîya Mohsen El-Mendelawî cîgirê yekem ê serokê civata nûneran bê lidarxistin û divê di dema  Serokê de serokê civatê bê hilbijartin. 

Sunne nikarîbûn serokê parlamentoyê destnîşan bikin

Serokê bloka Yekîtiya Niştimani ya Kurdistanê li Encûmena Nûneran tekez kir, ku di heyama nû ya yasayî de erkên Encûmena Nûneran bijartina Serokê nû yê Encûmenê ye.
Herem Kemal Axa, serokê bloka Yekîtiya Niştimanî ya Kurdistanê li Civata Nûneran di hevpeyvînekê de ligel malpera fermî ya Yekîtiya Niştimanî ya Kurdistanê PUKMEDIA ragihand: “Îro Sêşemê 9/1/2024 bêhnvedana Encûmena Nûneran bi dawî dibe û biryar e di destpêkê de baskên parlemanî bicivin  derbarê hilbijartina Serokê Encûmenê de, heta niha ti pêkhateyên Sunne tevî derbasbûna demeke dirêj li ser namzedekê li hev nekirin  û ti projeyek nayê pesendkirin heya ku Serokê Meclisa Nûneran tê hilbijartin.”

Parlamento bê serok dimîne

Dadgeha Bilind a Iraqê di 14ê Mijdara 2023an de biryar da ku endamtiya Serokê Parlamentoya Iraqê Mihemed Helbûsî betal bike û ji wê demê ve parlamentoya Iraqê bê serok maye û di 2 mehên borî de nekariye karê xwe bike li Parlemento.
PUKMEDIA