Endamê Komîteya Darayî: Guhertina bûdceyê pêwîstî bi rêkeftina siyasî heye

PUKMEDIA

Narmîn Merûf

Endama Komîteya Darayî ya Parlamentoya Iraqê Narmîn Merûf ji malpera fermî ya Yekîtiya Niştimanî ya Kurdistanê (PUKMEDIA) re ragihand:  "Pêwîste mûçeyê fermanberên Hikûmeta Herêma Kurdistanê ji nakokiyên siyasî û xerciyên din were cudakirin, ji bo vê yekê jî madeya girêdayî mûçeyê karmendên herêmê were sererastkirin."
“Heta ku qanûna bûdceyê neyê sererastkirin, îhtimal heye ku hikûmeta Iraqê li ser şandina deynan ji bo hikûmeta Herêma Kurdistanê berdewam bike ku mehane 700 milyar dînar e.’’Her wiha got.
Metna hevpeyvînê.
Pirs: Gelo hinek pereyekî din ji hikûmeta Iraqê bo Herêma Kurdistanê tê?
Narmin Ma'roof: "Tê çaverêkirin ku hikûmeta Iraqê mehane hinek pere ji Hikûmeta Herêma Kurdistanê re bişîne, heta ku yasaya bûdce were sererastkirin. Helbet tê çaverêkirin ku Hikûmet berdewam be di şandina pereyan ji Iraqê bo Herêma Kurdistanê.Hikûmeta Herêma Kurdistanê bi fermî daxwaz ji hikûmeta Iraqê kiriye ku 6 mehan deyn bide, lê tenê ji bo sê mehan, sê mehên din jî bi fermî ji aliyê hikûmeta Iraqê ve nehatine pejirandin.’’
Pirs: Qanûna bûdceyê dê kengê were guhertin?
“Di demek nêzîk de proje yasaya bûdceyê li parlamentoyê were xwendin, xwendina yekem, duyem û sêyem çend hefte didome, ji ber wê jî pêşbînî tê kirin di destpêka meha Sibatê de proje yasaya bûdceyê were sererastkirin, divê Iraq deynan ji Kurdistanê re bişîne. ‘’Wê got
Pirs: Ma madeyek taybetî heye ku her du hikûmet razî bibin ku biguhezînin?
Narmin Ma'roof:“Ya ku ji bo me parlamenterên Kurd giringe ew e ku mûçeyên Hikûmeta Herêma Kurdistanê ji erkên Hikûmeta Herêma Kurdistanê cuda bikin û weke karmendên Iraqî bi wan re biaxivin.Divê Iraq û Herêma Kurdistanê jî di nav çarçoveya xerciyên parêzgar de cih bigire, lê ev pêşniyar ne pêşniyara dawî ye û her du hikûmet jî pêşniyarên xwe hene û ti metneke diyarkirî nîne ku her du hikûmetan li ser li hev kirine.’’
Pirs: Hikûmeta Herêma Kurdistanê û Hikûmeta Iraqê li ser sererastkirina maddeya 11ê li hev dikin?
Narmin Ma'roof:“Madeya 11’ê bi taybetî û hemû madeyên din ên girêdayî Herêma Kurdistanê li ser wan daxwaza Hikûmeta Herêma Kurdistanê û fraksiyona ye.Madeya 11ê ku di qanûna bûdceyê ya sala 2015ê de cih girtiye, mûçeyên Hikûmeta Herêma Kurdistanê bi erkên Hikûmeta Herêma Kurdistanê ve girê dide û lêçûnên piraktîkî zêdetir siyasî ne û divê bên sererastkirin: “Di qanûna bûdceyê de çend xal hene ku di berjewendiya Hikûmeta Herêma Kurdistanê de ne û di navbera her du hikûmetan de tu xalek lihevnekirin tune ye û ne hewce ye ku wan were sererast kirin.

Pirs: Guhertina bûdceyê dê hikûmeta Herêma Kurdistanê girêbidetir bike?
Narmîn Merûf: “Tevî ku qanûn bi xwe gelek erk li ser hikûmeta Herêma Kurdistanê heye, wek radestkirina 400 hezar bermîlên petrolê rojane û nîvê dahata neftê û hwd., lê bi rastî em çi ne. Daxwaz ew e ku mûçeyên fermanberên Herêma Kurdistanê ji erkên Hikûmeta Herêma Kurdistanê were cudakirin, lê dîsan destpêkirina hinartina petrolê xaleke girîng e û pêwîstî bi rêkeftina navxweyî û derve heye.’’
PUKMEDIA