Qubad Talebanî: Çareserkirina pirsgirêkan pêwîstî bi hevkarî û yekîtiyê heye

PUKMEDIA

Qubad Talebanî

Cîgirê Serokwezîrê Herêma Kurdistanê Qubad Talebanî bi boneya hatina sala nû ya mîladî peyameke pîrozbayî parve kir.

Qubad Talebanî di peyama xwe de got: Bi boneya hatina sala nû ya Mîladî germtirîn pîrozbahiyên xwe pêşkêşî hemû welatiyên Kurdistanê dikim û hêviya saleke tijî bextewerî û destkeftî ji hemûyan ra dixwazim.
Got jî: her çende sala 2023ê bi serkeftineka mezin li ser lidarxistina hilbijartinên encumena parêzgehan bi dawî hat, lê berdewambûna kêşeyên bûdce û mûçeyan bargiranîya karmend û welatîyên herêma Kurdistanê kirîye.
Cîgirê Serokwezîrê Herêma Kurdistanê wiha berdewam kir: Di mehên derbasbûyî de me bi berdewamî hewl daye ku bi hikûmeta federal re vê pirsgirêkê çareser bikin û niha jî bi hemû hêz û hewlên xwe em berdewam bin û hêvîdar in ku ev pirsgirêk di destpêka sala nû de çareser bibe.

Got jî: Çareserkirina kêşeyên navbera herêmê û Bexdayê, parastina aramiya welatê me û dawî anîna gef û metirsîyan pêwîstî bi hevkarî, yekrêzî û çareser kirina kêşeyên navxweyî heye.

Qubad Talebanî her wiha got: Hêvî dikim ku di sala 2024`an de em hemû bi ruhê berpirsyarî û niştimanperwerî bixebitin, rihê hemahengî û xebata hevbeş kûrtir bikin, ji bo çareseriya yekrêziya nav mala xwe de hewl bidin û metirsiyan ji holê rakin.


PUKMEDIA