Di hilbijartinên encumenên parêzgehan de 46 berbijêran ti deng nestandin

PUKMEDIA

Hilbijartin

Pisporekî ragihand, di hilbijartinên encumenên parêzgehên Iraqê de 46 namzedan ku 22 namzedên jin û 24 namzedên mêr hene, ti deng nestandine. Pisporekî hilbijartinê destnîşan dike ku ew ji pêvajoyê vekişiyane.
Li gorî PUKMEDIA ku xwe dispêre dane û agahiyên Komîsyona Bilind a Serbixwe ya Hilbijartinan,ji 15 parêzgehan, 46 namzedan deng nestandine, ku herî zêde sifir deng li parêzgeha Bexdayê ye, 16 berbijêrin, 8 jin û 8 jî mêr in.
Li gorî lêkolîna tîma çavdêriya YNKê (sifir deng li hember 5 dengan) li 15 parêzgehên ku hilbijartinên encumenên parêzgehan hatine encamdan bi rêjeya herî kêm (318) namzedan sifir heta 5 deng wergirtine ku 160 ji wan jin û 158 jî mêr bûn mêr wiha ne:
• 46 namzedan  deng nestandin, ji wan 22 jin û 24 mêr.
• 39 namzedan tenê dengek standin ku ji wan 16 jin û 19 jî mêr bûn.
• 73 berendaman tenê du deng bi dest xistine, ji wan 36 jin û 37 mêr.
• 55 berendaman tenê sê deng bidest xistine, ji wan 20 jin û 35 mêr.
• 56 namzedan tenê çar deng bidest xistin, ji wan 32 jin û 24 jî mêr bûn.
• 49 berendaman tenê pênc deng standin, ji wan 15 jin û 34 mêr.
Di derbarê parêzgeha Kerkûkê de jî, herî kêm haletên wiha hebûn, ji ber ku rêjeya herî bilind a dengdanê li ser asta parêzgehê li Kerkûkê bû ku %66 bû û tenê namzedek (sifir) deng, du namzedan dengek, du namzedan her yekî (2) deng, namzedek sê deng û du berbijêr her yekê (4) deng bi dest xistin.
Pisporekî hilbijartinan sedema vê rewşê eşkere kir û ji PUKMEDIA re ragihand ku sedema sereke ya kêmbûna namzedan ew e ku hinek ji partiyên ku beşdarî hilbijartinan dibin, hinek berbijêr tenê ji bo wergirtina hinek pere û îmtiyazên madî dikevin nava pêvajoyê.
“Sedemek din jî bi nezanîna jîngeha civakî û siyasî ya civakê, îradeya dengderan, mezinahiya siyasî, baweriya dengderan û bernameya kampanyayê ve girêdayî ye. Pisporê hilbijartinê got.
Bi giştî hejmara berbijêran li 15 parêzgehan 5 hezar û 904 kes bûn, ji wan 4 hezar û 242 kes mêr û hezar û 662 kes jî jin bûn.
Li gor amarên Komisyona Bilind a Serbixwe ya Hilbijartinan, hejmara dengderên giştî û taybet ên beşdarî hilbijartinên encumenên parêzgehan bûne, 16 milyon û 158 hezar û 788 kes bûye, ji wan 15 milyon û 108 hezar û 135 dengderên giştî û milyonek û 2 hezar û 393 dengderên taybet  û 48 hezar û 260 hilbijêrên qeyûm hatin hilbijartin.
PUKMEDIA