Qubad Talebanî: Beşdarbûneke berçav di hilbijartinan de bikin

PUKMEDIA

Qubad Talebanî

Serpereştyarê Ofîsa Sekreteriya Serok Mam Celal Qubad Talebanî serdana Xaneqînê kir û li gel berpirsê baregeh û endamên baregeha Xaneqînê ya Yekîtiya Niştimanî ya Kurdistanê Şêrko Mîrwês civiya.

Civîna îro înê 15.12.2023ê bi amadebûna Dr.Xesrew Gul Mihemed nûnerê Serok Bafil Celal Talebanî di encûmenên YNKê de hat lidarxistin û rewşa niha ya Xaneqînê û pirsgirêkên rûbirûyê rûniştvanên Xaneqînê hatin gotûbêjkirin.
Berpirsê sekreteriya serok Mam piştî guhdarkirina nerînên endamên navendê ragihand: Erkê serkirde û kadroyên YNKê ye ku di nava xelkê de bin û daxwazên welatiyên Xaneqînê bi cih bînin, ji ber ku daxwazên rûniştvanên Xaneqînê daxwazên YNKê ne.
Di beşeke din ya civînê de behsa hilbijartinan hate kirin. Di vê derbarê de Qubad Talebanî balkişand li ser girîngiya beşdariya welatiyan di hilbijartinan de û daxwaz kirk u berpirs û kadroyên YNKê hemû hewlên xwe bidin daku zêdetir xelk beşdarî proseya dengdanê di hilbijartinan de bibin.

Got jî Piştî serketina xwe, divê namzed bibin xizmetkarên gel, ji ber ku armanca berpirsyariyê divê xizmet be, ne berjewendiyên taybet.

PUKMEDIA