Serok Bafil: Em xizmetkirina Kerkûkiyan erka xwe dibînin

PUKMEDIA

Serok Bafil

Serokê Yekîtiya Niştimanî ya Kurdistanê Bafil Celal Talebanî li bajarê Kerkûkê bi komek zanayên olî re civiya.
Di civînekê de ku bi amadebûna endamên Mekteba Siyasî ya Yekîtiya Niştimanî Rifat Ebdullah, Aso Mamend û Qubad Talebanî û endamê Encûmena Serkirdayetiyê Rêbwar Taha, rêyên pêkvejiyanê û geşekirina bîrdoziya aşitî hatin gotûbêjkirin.
Serok Bafil Celal Talebanî rola zanayên olî di perwerdekirina civakê û arastekirina welatiyan ber bi karê baş de bilind nirxand û got: Hezkirin û pêkvejiyan stûnê xebata Yekîtiya Niştimanêî ye û em piştevaniya her hewlekê dikin ku ji bo xizmetkirina Kerkûkê be û xurtkirina biratiyê di navbera hemû netew û pêkhateyan li bajêr.
Di hevdîtinê de her wiha li ser rêyên xizmetguzariyê ji bo Kerkûkê, çareserkirina pirsgirêkên welatiyan û giringîdan bi çanda aştî û pêkvejiyanê re guftûgoyek vekirî hate kirin û di derbarê pêşniyarên pêşniyarkirî de jî Serok Bafil got: Em xizmetkirina Kerkûkê û peydakirina daxwazên wan erka xwe dibînin, em deyndarê dilsozî û qehremaniya Kerkûkiyên birûmet in û em çi bikin jî nagihêjin asta qurbanîdana wan ji bo xatirê Kurdistanê û Yekîtiya Nîştimanî.

PUKMEDIA