Serok Bafil ji Kerkûkiyan re.... Sindoqên dengdanê kesk bikin

PUKMEDIA

Serok Bafil li Kerkûkê

Îro pênşemê 14-12-2023 piştî nîvro, bi amadebûna Bafil Celal Talebanî Serokê Yekîtiya Niştimanî ya Kurdistanê, kernevaleke girseyî bo piştevanîkirina ji lîsteya hevpeymaniya Kerkûk hêz û vîna me ye jimare 142 li bajarê Kerkûkê birêve çû.

Karnevala ku girseyeke qelebalix beşdar bû, ku heta niha wek wê li bajêr ne hatiye dîtin bi deqeyek rêzgirtinê ji bo giyanê pakê şehîdan dest pê kir û piştre berpirsê lîsteyê Aso Mamend gotarek pêşkêş kir û tê de got: Çawa ku me berê dest ji Kerkûkê berneda, em soz didin we ku em dest ji nasnameya wê ya kurdî di paûerojê de bernadin.

Got jî: Emê berdewam bin li ser şopandina rêya serok Mam Celal û emê dawî li bêedaletî û cudahîyê bînin ku niha tê de heye, em jî soz didin we ku bi piştevanîya we emê dîsa li Kerkûkê deshilatê bi dest bixin û yekane armanca me jî ewe xizmetkirina gelê wê ye.
Paşê Serok Bafil Celal Talebanî gotarek pêşkêş kir û di destpêkê de bixêrhatina girseya gel a beşdar kir û got: Kerkûk qudsê Kurdistanê ye amaneta Serok Mam Celal e, emê weke çavên xwe biparêzin tu carî dev jê bernadin.
Serokê Yekîtiya Niştimanî ya Kurdistanê got jî: Paşeroja Kerkûkê di destê we de ye, lewra daxwazê ji we dikim ku bi coşeke nû biçin ser sindoqên dengdanê û sindoqên dengdanê û Kerkûkê jî bi rengê kesk bixemlînin, ji ber ku bi dengên xwe hûn dê parêzgarê nûh diyar bike.
Serok Bafil tekez kir û got: Em soz didin we ku em rê nedin ti kesî xiyanetê li kur û keçên bajarê me bike, herwiha em dixwazin bi rêya rêveberiya wê nîşan bidin ku rêvebirî çawa ye.
Bal kişande ser wê yekê ku namzedên me berî ku yekîtî bin Kerkûkî ne, lewra ez we vedixwînim ku dengê xwe bidin lîsteya hevpeymaniya Kerkûkê ya jimare 142, daku nûnerên xwe yên rast bişînin encumena parêzgehê û piştre têkoşîna kurdistanîbûna Kerkûkê ji mera bihêlin.
Her wiha Qubad Talebanî, Berpirsê Ofîsa Serok Mam Celal, hejmarek ji endamên Mekteba Siyasî û Encûmena Serkirdatiya Yekîtiya Niştimanî ya Kurdistanê û serok û namzedênlîsteya Kerkûk hêz û vîna me di karnavalê de amade bûn.

PUKMEDIA