Aso Mamend: Kerkûkiyan baweriyeke mezin bi YNKê heye

PUKMEDIA

Aso Mamend

Serokê Hevpeyîmaniya  Hêza Me û Îradeya Me ya Kerkûkê Aso Mamend tekez kir, ku kelecana welatiyên Kerkûkê ji bo hilbijartinên encumenên parêzgehan cihê kêfxweşiyeke mezin e.
 Aso Mamend di daxuyaniyekê de ku ji aliyê PUKMEDIA ve hat belavkirin, ragihand: Yekîtiya Niştimanî ya Kurdistanê ti carî dest ji Kerkûkê bernedaye û bi hemû hewlekê bo parastina welatiyên wî bajarî kar kiriye. Weke Yekîtiya Niştimanî ya Kurdistanê, xwe xwediyê vî bajarî dihesibîne  û di qonaxa niha de, em li hember gelek mijarên nexwestî nerazî ne, yasayên  ku ziyanê digihîne Kurd û Tirkmenan.
Got jî: neçûna Kurd di lîsta yekgirtî de, zîyaneka mezin hebû, lê niha her dengdanek bo Kurdan giringe, xelkê Kerkûkê şahidin ku kê li gel wan ma û kê dev ji wan berda, û rewşa niha ya li Kurdistanê û Kerkûkê  heye encamên referandumê ye û em daxwazê ji welatiyan dikin ku biçin ser sindoqên dengdanê ji ber ku nerazîbûna wan xizmeta neteweyên din dike.
Aso Mamend eşkere kir: Girseya berfire ya Kerkûkê bawerî bi namzedên Yekîtiya Niştimanî ya Kurdistanê heye û baş dizanin ku Yekîtiya Niştimanî ya Kurdistanê ji bo parastina Kerkûkê qurbaniyên mezin daye û Kurd ti çareyek ji bilî beşdariya di hilbijartinan de nemaye û yekane rêya rizgarbûna ji siyasetên şaş ên ku li Kerkûkê têne meşandin, beşdarbûna çalak di hilbijartinan de ye, em di wê baweriyê de ne ku di navbera hemû pêkhateyên Kerkûkê de hevkariyeke rasteqîne heye û hemû welatî jî dizanin ku eger Kurd piraniya dengan bidest bixin ew dê rêz li mafên hemû pêkhateyan bê cudahî bigrin.
PUKMEDIA