Rizgar Hecî: Yekîtî û partiyên kurdistanî ligel lidarxistina hilbijartinan e

PUKMEDIA

Rizgar Hecî Heme

Berpirsê Ofîsa Hilbijartinan li Yekîtiya Niştimanî ya Kurdistanê Rizgar Hacî Heme di hevdîtinekê de ligel malpera fermî ya Yekîtiya Niştimanî ya Kurdistanê PUKMEDIA tekez kir ku, Komîsyona Bilind a Serbixwe ya Hilbijartinan hemû amadekariyên lojîstîk, teknîkî û rahênanê ji bo lidarxistina hilbijartinan bi dawî kirine û Serokê Yekîtî Bafil Celal Talebanî û aliyên siyasî tekez li ser pêwîstiya lidarxistina hilbijartinan di roja diyarkirî de dikin.

Naveroka civînê:
* Ofîsa hilbijartinan a Yekîtiya Niştimanî ya Kurdistanê çawa amadekariyên xwe bo beşdarbûna hilbijartinên Kerkûkê kir?
- Em li ofîsa hilbijartinan a Yekîtiya Niştimanî ne û li gor roja ku ji aliyê hikûmeta federal ve bo lidarxistina hilbijartinên encumenên parêzgehan hatiye destnîşankirin, me hemû amadekarî kirine ji bo beşdarbûna hilbijartinên encumenên parêzgehan di 18.12.2023an de. û li hin parêzgehan jî em li gel hejmarek ji aliyên siyasî ketine hevpeymaniyan.

* Li Dadgeha Federalî ti aliyek ku daxwaza paşxistina hilbijartinan bike heye?
- Serokê Yekîtiya Niştimanî ya Kurdistanê Bafil Celal Talebanî û aliyên din ên siyasî tekezî li ser pêwîstiya lidarxistina hilbijartinan di roja diyarkirî de dikin. Diyar e ku hinek aliyên siyasî bi taybet li Kerkûkê giliyên paşxistina hilbijartinan pêşkêşî Dadgeha Federalî kirine û ew aliyên ku wê dozê tomar kirine, hemû postên parêzgeha Kerkûkê heta parêzgariyê jî digrin û di wê baweriyê de ne. hilbijartinên dahatû dê di hemû postan de guhertinên mezin bi xwe re bîne, bi taybetî postê parêzgar.

Amadekariyên hilbijartinê gihîştin ku derê?
- Yekîtiya Niştimanî ya Kurdistanê wek hemû aliyên siyasî yên Êraqê amadekariyên pêwîst ji bo hilbijartinên encumenên parêzgehan kiriye û piştevaniya lidarxistina hilbijartinên dadmend û şefaf bi taybet li Kerkûkê dike.
Got jî: Her hewildanek bo paşxistina helbijartinên Kerkûkê, ji bilî hewldaneka bê encam û têkçûyî, di heman demê de mafê dengdanê ji nêzîkî 800 hezar welatî bêpar dike û Yekîtîya Niştîmanî ya Kurdistanê dê li hember wê hewlê raweste.
Berpirsê Ofîsa Hilbijartinan diyar kir: Hilbijartinên Kerkûkê zêdetirî 17 sal in nehatine kirin û eger zêdetir were paşxistin dê baweriya di navbera dengder û desthilata siyasî li Êraqê lawaz bibe, lê belê kampînên hilbijartinan ev zêdetirî mehekê berdewam dike, û bûdceyeke mezin hatiye terxankirin Ji aliyê hikûmetê ve û paşxistina hilbijartinan dibe sedema xerakirina pereyên gel, û da zanîn ku “Ti hincetek ji bo paşxistina hilbijartinan nine.

* Heta çi radeyê hûn ji qeyda dengderan razî ne?
- Komisyona Bilind a Serbixwe ya Hilbijartinan xwediyê tomareke paqij û dadmend e û tomareke biyometrîk heye û li gor heman tomarê hilbijartinên Encûmena Nûneran di sala 2021ê de hatine kirin û ti pirsgirêkek bi vê tomarê re nîne. Ti hincet bo paşxistina hilbijartinan nîne, û divê ew di roja diyarkirî de bên kirin ji ber ku ev mijar berevajî destûrê ye.

PUKMEDIA