Talebanî: Aliyên xemsar berpirsatiya yasayî bigrin ser xwe

PUKMEDIA

Cîgirê Serokwezîr Qubad Talebanî

Cîgirê Serokwezîrê Herêma Kurdistanê Qubad Talebanî duh Înê hevxemiya xwe pêşkêşî malbatên qurbaniyên şewata ku di avahiyeke niştecihbûnê de li navçeya Soran a girêdayî parêzgeha Hewlêrê derketibû, xwest.
Qubad Talebanî di daxuyaniyekê de ragihand: Karesata şewata ku li avahiyeke bajarê Soranê derket û bû sedema mirin û birîndarbûna hejmareke mezin, me hemû xemgîn kir.
Cîgirê Serokwezîrê Herêma Kurdistanê herwiha got: Ez sersaxiyên xwe pêşkêşî malbat û kesûkarên qurbaniyên vê qezaya bi êş dikim û hêviya başbûnê ji bo birîndaran dixwazim.
Qubad Talebanî tekez kir: Mixabin di salên derbasbûyî de gelek bûyerên bi vî rengî dubare bûne û em li gel dezgehên pêwendîdar di peywendiyê de ne û li benda encamên lêkolînê ne û divê aliyên xemsar berpirsatiya yasayî bigrin ser xwe.
…
Duhî êvarê 8ê Berçileya 2023an agir bi avahiyeke li bajarê Soranê ket û tê de 14 xwendekar, mamosta û welatiyên din canê xwe jidest dan û çend kesên din jî birîndar bûn.
Serperiştyarê Îdareya Serbixwe ya Soranê Helgurd Şêx Necîb di daxuyaniyekê de sersaxî li malbatên qurbaniyên bûyera şewata agir kir û ragihand, “Ji roja Şemiyê 9/12/2023an ve sê rojan şînê ragihînin.”
Cibicîkarê Karûbarên Rêxistina Tenduristiyê ya Cîhanê li Iraqê Wael Hetahit li ser bûyera şewata avahiyekê li Soranê, peywendî bi Wezîrê Tendirustiyê yê Herêma Kurdistanê Saman Barzanî re kir.

PUKMEDIA