Lîstên Yekîtî: Xizmetkirina malbatên şehîdan û misogerkirina mafên wan

PUKMEDIA

Malbatên Enfalan û Lîstên Yekîtî

Lîst û namzedên Yekîtiya Niştimanî ya Kurdistanê ji bo hilbijartinên encumenên parêzgehan hewl didin li hemû parêzgehan xizmeta malbatên şehîdan û enfalan û qurbaniyên rêxistina terorîst a DAIŞê bikin û di bernameya xwe ya hilbijartinan de jî tekez kir ku dê li ser garantîkirina maf û pêdiviyên malbatên şehîdan û qurbaniyên terorê kar bike û piştgiriya wan di hemû waran dejî bike.

Xizmetkirina xelkê navçeya Şingalê

Wîsam Selêm namzedê jimare 18 yê hevpeymanîya Xelkê Nînewa 134 ji PUKMEDIA re ragihand: Dilê me li gel malbatên şehîd û qurbaniyên terorîstan li parêzgeha Nînewayê ye û emê bi hemû hewlekê bo xizmetkirina wan kar bikin.
Wî her wiha got: Bi salan piştî jînosayda Êzidiyan, malbatên van qurbaniyan hîn jî li benda cezakirina berpirsên ketina Şengalê ne, em piştgiriya van daxwazan dikin û divê kesên ku bûne sedema vê yekê jî bêne cezakirin. Em ê bixebitin ku muzexaneyek an navendek lêkolînan ji bo belgekirina karesata Şengalê û Êzidiyan bê avakirin. Em ê bixebitin ku di warê xizmetguzariyê de cudahiyê ji holê rakin.
Emê kar bikin ji bo vekirina navendeke çaksaziya derûnî li Şingalê ji bo jin, keç û zarokên ku di sala 2014an de rizgar bûne, û kar bikin ji bo kifşkirina gorên komî yên xelkê Şingalê, rakirina bermahiyên wan bi şêweyekî zanistî û çêkirina gor û cihên guncaw ji bo ji nû ve veşartina wan.

Wî got: Emê jî kar bikin ji bo zanîna çarenivîsa jin û keçên êzîdî ku heta niha çarenivîsa wan ne diyar e. Ji ber ku hemû xelkê parêzgeha Nînewa rastî neheqî û bindestiyê hatine, lê tişta ku li ser xelkê navçeya Şingalê hatiye û ew tawaneke mezin rû daye, karesateke mezine û divê em xizmeta wan bikin û hemû pêdiviyên wan peyda bikin.

Pêşkêşkirina xizmetên baş ji malbatên şehîdan re

Namzedê jimare 19 yê lîsta Kerkûk Hêz û Vîna me ye jimare 142 Remedan Cebarî ji PUKMEDIA re ragihand ku: Emê kar bikin li ser xizmetkirina malbatên şehîd û enfalan, bi taybet ku navçeyên Çemçemal û Kerkûkê xwedî pişk û para şêr bûn ji aliyê qurbaniyan de. Bernameyeke me heye bo xizmetkirina wan ji berk u ew hêjay her xizmetekêne ,emê bixebitin ku mûçeyên wan bixin ser mîlakên saziya şehîdên federal da ku wekhev bin bi parêzgehên din re.

Veguheztina mîlakên şehîdan ji Saziya Şehîdan a Federal re

Namzedê jimare 6 yê lîsteya Yekîtiya Niştimanî ya Kurdistanê li Parêzgeha 120 ya Diyalayê Casim Mihemed ji PUKMEDIA re dibêje: Lîsteya me ya jimare 120 xizmeta hemû malbatên şehîdan û enfalkiriyan dike, bi taybet li navçeya Xaneqînê, ji ber ku dezgeha dadweriyê qurbaniyên mezin di şerê li dijî rêxistina terorîst a DAIŞê de da ye, ew şerê ku şerekî navdewletî bû li dijî terorê.
Got jî: Emê kar bikin ku mûçeyên şehîdan bigehînin xwediyên Dezgeha Şehîdan a Federal da ku hemû erk û endametiya xwe bi awayekî guncaw werbigirin, ji ber ku piraniya malbatên şehîdan mafên xwe yên destûrî bi dest nexistine.

PUKMEDIA