Talebanî: Pêngav ji bo çareserkirina pirsgirêkên Pêşmerge ne

PUKMEDIA

Civîna bo çareseriya pirsgirêkên Pêşmerge

Cîgirê Serokwezîr Qubad Talebanî pêşwaziya şandeke pilebilind a leşkerî ya Brîtanyayê bi serokatiya Mareşal Samî Sampson Şêwirmendê Berevaniyê yê Birîtanya bo karûbarên Rojhilata Navîn û Bakurê Afrîkayê kir.
Civîna îro çarşemî 22.11.2023 li bajarê Hewlêrê û bi amadebûna Konsulê Giştî yê Brîtanya hat lidarxistin û di civînê de rewşa navxwe ya Herêma Kurdistanê û proseya çaksaziya di Wezareta Pêşmerge de hate gotûbêjkirin, Cîgirê Serokwezîr got:“Ji bo çareserkirina pirsgirêkan têgihiştinek baş çêbûye û hevdîtinên vê dawiyê yên her du aliyan YNK û PDK erênî bûne.
Her wiha got: “Pêngav ji bo çareserkirina pirsgirêkên di nava Wezareta Pêşmerge de tên avêtin û em geşbîn in ku bi hevkarî û piştevaniya her kesî di demeke nêzîk de hemû pirsgirêkên wezaretê bên çareserkirin û ev jî dê proseya çaksaziyê di nav Hêzên Pêşmerge de bileztir bike.’’
Di vê derbarê de şanda bilinda leşkerî ya Berîtanyayê piştgîriya xwe bo Herêma Kurdistanê bi taybetî berdewamiya çaksaziyên Wezareta Pêşmerge dupat kir.
Li beşekî dinê vê hevdîtinê de rewşa ewlekariya navçeyê, Iraq û Herêma Kurdistanê hat gotûbêjkirin û her du alî tekez li ser wê yekê kirin ku divê hikûmet û aliyên Iraqî hewlên xwe zêdetir bikin ji bo rêgirtin li her pêngav û tevgerekê ku bibe sedema alozî û nearamiyê li Iraqê û Herêma Kurdistanê ji bo parastina ewlehî û aramiya Iraqê girîng e.
PUKMEDIA