Namzedên Yekîtî: pêşxistina şiyanên ciwanan û peydakirina derfetên kar

Rêportaj 10:34 AM - 2023-11-22

Lîstên YNK

Lîst û namzedên Yekîtiya Niştimanî ya Kurdistanê ji bo hilbijartinên encumenên parêzgehan hewla pêşxistina şiyanên ciwanan û peydakirina derfetên kar ji bo wan didin, lîsteyên Yekîtî tekez kirin ku ew dê kar bikin ji bo peydakirina hemû pêwîstiyan ji bo pêşxistina asta şiyanên ciwanan û avakirina nifşek yekgirtî, hişmend ji bo pêşxistina civakê li hemû parêzgehan.

Piştgiriya ciwanan û peydakirina pêdiviyên wan

Namzedê jimare 27 ê lîsta 142 a Kerkûk hêz û vîna me ye ya Hesen Elî Refîq ji PUKMEDIA re ragihand: Kerkûk rastî xirabûna rewşê hatiye bi taybet di warê piştevanîkirina ciwanan û peydakirina derfetên wekhev ji bo sûdwergirtina ji şiyanên wan de ye.
Got jî: eger em beşdarî civata parêzgeha Kerkûkê bibin, bi îzna Xwedê, emê kar ji bo piştevanîkirina ciwanan, dabînkirina derfetên kar û dabînkirina pêdiviyên wan ji bo baştirkirina jiyana ciwanan bikin.

Peydakirina derfetên kar ji bo ciwanan

Ebdulcewad Cemîl namzedê jimare 24 di hevpeymaniya Xelkê Nînewa 134 de ji PUKMEDIA re ragihand: Em dê kar bikin bo piştevaniya ciwanan û cîbicîkirina pirojeyên ku derfeta kar ji wan re peyda dike, çi ji projeyên veberhênanê û çi ji sektora taybet de be. her tiştê ku xizmeta ciwanan bike em ê li ser bixebitin.
Got jî: Ciwan bingeha civakê ne û eger em ciwanan bi rêk û pêk ava bikin, emê encamên baş û nifşekî hişyar û pêşketî bidest bixin ku dê li ser rêya rast bin.
Wî diyar kir: Asta giringîpêdan bi ciwanan li parêzgeha Nînewayê pir kêm e û derfetên kar di sektora taybet û giştî de pir kêm in, bi hezaran xortên me yên derçûyên zanîngeh û peymangehan hene ku tu derfetên kar nînin, lewra emê rasterast ji bo peydakirina derfetên kar ji bo ciwanan bixebitin.

Pêşxistina şiyanên ciwanan

Namzedê jimare 25 ji bo lîsteya Yekîtiya Niştimanî ya Kurdistanê li parêzgeha Diyalayê ya jimare 120 Hişmend Hesen ji PUKMEDIA re ragihand: Lîsteya me ji bo pêşxistina asta şiyanên ciwanan li parêzgeha Diyalayê kar dike.
Got jî: Ciwan li parêzgeha Diyalayê bi taybetî li navçeya Xaneqînê rastî neheqî û kêmasî û kêmbûna derfetên kar hatine, ji ber wê jî emê kar bikin daku derfeta kar ji bo ciwanan peyda bikin û ji şiyanên wan sûd werbigirin.
Got jî: Emê bi hemû hêza xwe ji bo piştevanîkirina ciwanan û avakirina pirojeyên ku alîkarîya wan dikin, bi taybetî pirojeyên werzîşî û veberhênanê kar bikin û ji bo piştgirî û piştevanîya ciwanan, emê her hewlekê bidin.

PUKMEDIA