Serok Bafil: Hevpeymaniya Kerkûkê hêz û îradeya me ya hemû netewe û civakan e

PUKMEDIA

Serok Bafil

Di merasima nasandina namzedên lîsteya Hevpeymaniya hêza me û îradeya me ya Kerkûkê jimare 142, ku îro piştî nîvro, 18.11.2023, li bajarê Kerkûkê birêveçû, tê de Peyama Serokê Yekîtiya Niştimanî ya Kurdistanê Bafil Celal Talebanî ji bo Kerkûkiyan xwendin.
Têksta Peyamê
Beşdarên hêja
Bi silavên serkeftinê yên Hevpeymaniya (Kerkûkê Hêz û Îradeya Me) silav û rêzên min hene .
Gelî hêja
Hevpeymaniya Kerkûkê, hêz û îradeya me, hevpeymaniyeke resen a bajarê Kerkûkê û Kerkûkiyên serbilind e, bi hemû pêkhate û neteweyên xwe ve û armanca bernameya me ew e ku hevahengî, pêkvejiyanê û avakirina bajarê me yê hêja ji nû ve ava bike.
Baweriya me bi şirîkatî û xebata hevbeş heye û di biryargirtin û birêvebirinê de me stemkarî red kir û hertim me xwest ku em bi hev re xizmeta Kerkûka, Qudsa ya Kurdistanê bikin . Hevpeymaniya Kerkûkê hêz û îradeya me ye, êdî  biryar bo xelkê Kerkûkê bi cîh dihêle, dê xwe çarenivîsa xwe hilbijêrin û ji bo mafên xwe têbikoşin.
Dîrokeke me ya dûr û dirêj bi sekn û qehremaniya Kerkûkiyên birûmet heye, lewma ez piştrast im ku hûn ê bi heman vîn û ruhî ber bi sindoqên dengdanê ve bimeşin û tifaqa xwe ya jimare 142 hilbijêrin û hûnê îspat bikin ku hûn ew in şerê rasteqîne yê Kerkûkê bikin û ji keleha xwe ya kevnar mizgîniya serkeftinê bide guhê her kesî.
Em Kerkûkê di dilê xwe de hildigirin, Kerkûk xeta sor a jiyana siyasî û hizbî ya me ye û çawa ku di demên borî de me xwîn ji bo wê kir qurbanî, di pêşerojê de jî emê bibin parêzvanên dilsoz û rast.
Em ê bi we yên dilsoz re rûbirûyê kêşeyan bibin û li hember metirsiyan bisekinin, erebkirinê ji koka wê derxin û xewnên nefret ên dijminên Kerkûkê hilweşînin.
Ji bo bidestveanîna vê yekê jî divê hûn dengê xwe bidin hevpeymaniya Kerkûkê ya bi hêz û îradeya me û bibin mertalên bihêz ji bo parastina aştî û jiyana hevbeş a ku Serok Mam Celal ava kiriye û em berdewam bin li ser wê yekê.
Ji bo serketin û dengdana tifaqa Kerkûkê, hêz û irada  me erê.
Ji aştî û avakirinê re erê.
Serbilind û bextewar ji we re ezîzan
PUKMEDIA