Papayê Vatîkanê Papa Francis îro Serokkomar qebûl kir

Dezgeha Ragihandinê ya Serokatiya Komarê

Papayê Vatîkanê Papa Francis îro Serokkomar qebûl kir

Rêzdar Serokê Komarê Dr.Ebdul Letîf Cemal Reşîd û Xanima Yekem Şenaz Îbrahîm Ehmed îro Şemiyê 18.11.2023 li bajarê Vatîkanê bi Papayê Vatîkanê Papa Francis re civiyan.
Di destpêka hevdîtinê de birêz Serok spasiyên xwe pêşkêşî rêzdar Papa ji bo serdana xwe bo Îraqê kir û balkişand li ser wê yekê ku Îraqî bi hezkirin û serbilindî vê serdanê bi bîr tînin, ku têgeha pêkvejiyana aştiyane û kûrahiya peywendiyên di navbera olan de heye li hundir û derveyî Iraqê.
Serokkomar amaje bi wê yekê kir ku pêwîstiya herêma me bi bihêzkirina bingehên biratî û peywendiyên mirovî yên toleransê heye û tekezî li ser giringiya hewlên hevbeş ji bo bihêzkirina prensîbên diyalog, hevkarî û xebata hevbeş di navbera gelan de kir û daxwiyanî, nimêj û bo raya giştî Peyamên ku ji hêla Vatîkanê ve bandorekî exlaqî heye ku xwe bispêre aramî, diyalog û têgihîştina yekgirtî.
Di berdewamiya axaftina xwe de got: Îraq di warê pêkanîna aramî û ewlekarî û siyasî de rêyeke dûr û dirêj derbas bûye û îro pêdviyên me li ser pêşkêşkirina xizmetguzariyan, baştirkirina asta jiyana welatiyan, nûjenkirina jêrxaneyan û pêşxistina abûrî ji bo bidestxistina geşepêdana giştpirsiyê ne.
Serok balkişand li ser wê yekê ku Iraq dilgiran e ji bo pêşxistina demokrasî, piralî û rêzgirtina maf û azadiyan û da zanîn ku, peywendiya di navbera hikûmeta federal û hikûmeta Herêma Kurdistanê de baş e û îradeya her du aliyan heye ji bo çareserkirina kêşeyên hilawîstî yên li Kurdistanê li gorî destûr û qanûnê.
Cenabê wî balkişand li ser rewşa Xirîstiyanan û tekez kir ku ew pêkhateyeke bingehîn in ji bo avakirina welat, pêşketin û bextewariya wî, û dilgiraniya hikûmetê heye ji bo vegerandina awareyên mesîhî, êzîdî û pêkhateyên din bo herêmên wan û çareserkirina vê dosyaya mirovî bi dabînkirina pêdawîstiyên jiyaneke minasib, parastina hebûna Xirîstiyanan û parastina cihêrengiyê, nîşan dide ku deriyên Serokatiya Komarê ji bo xiristiyanan vekirî ye ku bi awayekê daxwaz û pirsgirêkên wan binirxînin.ku jiyan û aramiya wan misoger dike.
Rêzdar amaje bi wê yekê jî kir ku, peywendiyên Iraqê bi welatên cîran û cîhanê re baş in, ji ber ku ew bi rêzgirtin û berjewendiyên hevbeş ve girêdayî ne, herwiha behsa rewşa Filistîn û Xezayê jî kir û da zanîn ku Iraq bi tundî binpêkirin û destdirêjiya li dijî Filistîniyan şermezar dike , û bang li civaka navdewletî dike ku hewlên zêdetir bike ji bo rawestandina Êrîşan, parastina sivîlan, û dabînkirina gihandina alîkariyên mirovî.
Ji aliyê xwe ve, rêzdar Papayê Vatîkanê Papa Francis  bi xêrhatina xwe ji bo serdana cenabê Serok kir, tekez li ser piştevaniya bajarê Vatîkanê ji hewlên Iraqê bo bihêzkirina peywendiyên navbera ol û pêkhateyan kir. Her wiha rêzdar amaje bi rola pêkhateya Xiristiyanan li pêşxistina hemahengî û hevkariyê û qurbanîdana wan ji bo Iraqeke geş û pêşkeftî û pabendbûna bi nasnameya netewî kir.
Her wiha Papa jî bal kişand ser girîngiya zêdekirina derfetên aştiyê li cîhanê, ji ber ku şer tê wateya têkçûnê.
Paşê di navbera cenabê Serok û Hezretê Papa de bîranîn hatin guherandin.
Di civînê de endama civata nûneran xanim Dylan Ebdulxefûr, Balyozê Komara Îraqê li Vatîkanê birêz Rahman El-Amirî û hijmareke şêwirmend û berpirsan amade bûn.
Dezgeha Ragihandinê ya Serokatiya Komarê
PUKMEDIA