Serokkomar 239 saliya damezrandina Silêmaniyê Pîroz kir

PUKMEDIA

Ebdulletîf Cemal Reşîd

Di rojên bi vî rengî de Silêmanî 239 saliya xwe ya ji damezrandina xwe ji aliyê Babaniyan ve pîroz dike. Silêmanî wek yek ji bajarên mezin ên Îraq û herêmê, berdewame serpereştîya proseya geşepêdanê dike û di encamê de bûye nimûneya bedewî û ronîbûna herêma Kurdistanê û Îraqê bi giştî.
Mîrê Kurd Îbrahîm Paşa Baban di sala 1784an de bajarê Silêmanî yê îroyîn ava kir û navê bavê xwe Silêman Paşa lê kir û kir paytexta Mîriya Baban. Ji ber vê yekê bûye navenda çand, zanist û şaristaniyê.
Silêmanî ji bilî ku navenda çanda Kurdistanê ye, şanaziyê bi dîroka xwe dike ku sembola têkoşîn û xizmeta netewî ye.
Li bajêr gelek siyasetmedar, çalakvan û kesayetiyên çandî, di nav wan de helbestvan û nivîskarên ku dilsozê welatê xwe bûne û xizmeta mirovahiyê kirine, derketine.
Li gel zulm û neheqiya ku ji aliyê rejîmên faşîst ên weke rejîma Baas ve dihat kirin jî, Silêmanî tu carî serî netewand. Her tim ji bo parastina mafê xwe yê jiyana azad û ji bindestî û zordariyê rizgar bûye. Di wan rojan de, mirov her gav hewl didin ku jiyana xwe baştir bikin û ji bo pêşerojê standardek jiyanek hêja peyda bikin.
Silêmanî tevî pabendbûna bi mafên gelê Kurd li Iraqê û baweriya xwe bi konsepta Iraqa Federal a Demokratîk, lê belê li seranserê Kurdistanê piştgiriya tevgerên serxwebûna Kurdistanê kiriye.
Ji dema damezrandina dewleta Îraqê ve, rêberên Kurd derketine holê û daxwaza mafên Kurdan dikin û teşwîqkirina dostanî û biratîyê bi gelên Îraqê re ji hemû pêkhateyan re dikin. Yek ji wan rêberên Şêx Mehmûd El-Hefîd e.
Ji ber vê yekê gelê Silêmaniyê gelek caran li kêleka birayên xwe yên Ereb ji bo Iraqeke demokratîk û ji bo parastina mafên Kurdan têkoşîn kirine.
Di avakirina Iraqeke federal a azad û demokratîk de, vî bajarê zindî roleke girîng lîst. Di encamê de rewşenbîrên Kurd û Ereb bi dostaniyeke xurt bi hev ve girêdayî ne û bi hev re ji bo bidestxistina armancên hevpar hewl didin.
Her wisa qurbanîdana berçav di vî warî da kirine, pişka Silêmanîyê ji bo dirustkirina Îraqeke nû ya bê dictator heye, pêwîstî bi baldarî û hewldaneka zêdetir bo wê yekê dike ku ew cîhekî xweştir bibe. Bi taybetî ku Silêmanî weke navenda piraniya hêzên siyasî bû.
Berpirsiyariya me li Serokatiya Komarê xizmetkirina her cîh û bajarekî welat û pêşkêşkirina baştirîn xizmet û pêşxistina wan e. Ji ber vê yekê em bi berdewamî li gel dezgehên şareza di peywendiyê de ne û ji nêzîk ve ligel Herêma Kurdistanê, hikûmeta federal û hikûmetên herêmî kar dikin.
Ji dil û can pîrozbahiyê li gelê Silêmaniyê dikim.
Ji bo Silêmanî û hemû bajarên welatê me pêşerojeke geş û aram û tijî aramî dixwazin.
Serokkomarê Iraqê,
Ebdulletîf Cemal Reşîd
PUKMEDIA