Lîsta YNK li Diyale: Em ji bo cîbicîkirina bendên madeya 140ê dixebitin

PUKMEDIA

Lîsta Yekîtî li Diyale

 Lîsteya Yekîtiya Niştimanî ya Kurdistanê ya jimare 120 peyama xwe ya ji bo hilbijartinên encumenên parêzgehan li parêzgeha Diyalayê ragihand û di wê hevdîtinê de tekezî li ser wê yekê kir ku hilbijartinên dahatî hilbijartinên çarenivîsê ne.

Lîsteyê di peyama xwe ya hilbijartinê de got: Navçeyên nekok bi giştî û parêzgeha Diyalayê bi taybetî ji netewe, ol û mezhebên cuda pêk tên û mafên wan di destûra herdemî ya Êraqê de hatine diyarkirin û ji ber vê lîsteya Yekîtiya Niştimanî ji bo pabendbûna bi destûrê û tekezî li ser cîbicîkirina xalên maddeya 140 ya destûrê têdikoşe.
Di lîsteyê de wiha hat gotin: "Em hewl didin ku mafên destûrî yên welatiyan li parêzgeha Diyalayê biparêzin, bingehên demokrasiyê xurt bikin, piştgirî li rêxistinên civaka sivîl bikin û ji bo asayîkirina rewşê li navçeya Germesêr ku ji ber berteka referandumê rastî şert û mercên awarte hatine, têbikoşin."
Lîsteyê amaje bi wê yekê kir ku wê bernameyeke nû ya realîst ji bo xizmetkirina pêkhateyên parêzgehê amade kiriye, û ku namzedên wê nûnertiya hemû pêkhateyên civakê dikin û kesên jêhatî û dilsoz in.
Lîsteyê di dawiya peyama xwe de wiha got: Ey Germesêr çawa ku we berê kurdistanîbûna Xaneqînê û Germesêr nîşa, vê carê jî dengê xwe bilind bikin û bikin bahoz li dijî planên bermahiyên terorîstên DAIŞê û piştgir û dostên wê yên ku bi salan e li dijî herêma we planên jehrîn çêdikin û em biserkefin û wê Serkeftinê bikin belgeyeke din a dîrokî ku kurdbûna Xaneqîn û hemû navçeyên nakok li parêzgeha Diyala îsbat dike û bi vê serkeftinê em giyanê şehîdên xwe jî şad dikin.


PUKMEDIA