Serokê Herêma Kurdistanê: YNK û PDK hilbijartinan dixwazin

Rûpela Tayîbet Facebook Serokê Herêma Kurdistanê

Serokê Herêma Kurdistanê Nêçîrvan Barzanî

Serokê Herêma Kurdistanê Nêçîrvan Barzanî :“Ti rêkeftinek ji bo paşxistina helbijartinên Herêma Kurdistanê nîne û em rijd in li ser lidarxistina helbijartinan di dema xwe de û ti rêkeftin li gel YNKê jî bo paşxistina hilbijartinan nehatiye kirin.”
Nêçîrvan Barzanî  Serokê Herêma Kurdistanê ragihand li Fransa di  civîneke çapemeniyê de "Em pabend in ku hilbijartin di dema xwe de bên lidarxistin û YNK û PDKê ti rêkeftinek ji bo paşxistina hilbijartinan çênekirine û divê hemû alî pabendî wê yekê bin."
Di derbarê yekemîn civîna YNK û PDKê ya piştî kongreya pêncemîn a YNKê , Serokê Heremê  got: “YNK û PDK dê vê hefteyê li ser çend mijarên girîng wê bicivin.’’
Ev demek e, di nava  hefteyekê de , medyaya fermi Neweyê Nû  bi alîkariya Şaswar Ebdulwahîd Qadir nûçeyek derew belav kir û tê de ragihand, YNK û PDK li ser daxwaza  YNKê li ser paşxistina hilbijartinên Parlamentoya Kurdistanê li hev kirine.
Le ser vê Serokê Herêma Kurdistanê nûçeya derew a Neweyê Nû  derewand û got:’’ Ti rêkeftinek ji bo paşxistina helbijartinên Herêma Kurdistanê nîne û em rijd in li ser lidarxistina helbijartinan di dema xwe de û ti rêkeftin li gel YNKê jî bo paşxistina hilbijartinan nehatiye kirin.”
Rojnamevanekî berê yê NRT, ku nexwest navê wî were eşkerekirin, got: “Ev nûçeyên xapînok bi piranî bi fermana rêberê Neweyê Nû  têne weşandin û her yek ji rojnamevanên Neweyê Nû eger  rexneyek bikin dê yekser ji kar bên avêtin, lewma hejmareke mezin ji rojnamevanên navdar ên Neweyê Nû  ji kar hatin dûrxistin yan ji ber  wijdanê xwe qebûl nekirine ku nûçeyên bi vî rengî biweşînin û dest ji kar berdana xwe ragihandine.”
PUKMEDIA