Serok Bafil: Tenê bi yekrêziyê em dikarin Kurdistanê biparêzin

Ofîsa Serokê YNKê

Serokê YNKê Bafil û Konsulê Giştî yê Holendayê

Serokê Yekîtiya Niştimanî ya Kurdistanê (YNK) Bafil Celal Talebanî li baregeha mekteba siyasî ya bajarê Hewlêrê pêşwaziya Jako Birends Konsulê Giştî yê Şahnişîna Holenda li Herêma Kurdistanê kir.
Di civînê de ku bi amadebûna Derbaz Kosret Resûl Berpirsê Buroya Pêwendiyan û Dara Xeylanî endamê Serkirdayetiya YNKê hat lidarxistin, rewşa giştî ya Herêma Kurdistanê û hilbijartin hate gotûbêjkirin.
Derbarê pirsa helbijartin û peywendiyên di navbera hêz û aliyên siyasî yên Herema Kurdistanê de jî Serok Bafil got: YNK piştgîriya her hewlekê bo bihêztir kirina sazî û dezgehên Herema Kurdistanê  dike, em dixwazin ew pirsgirêkên  ku di warê nîştimanî de ne bi hemahengî werin çareser kirin. Hilbijartinên adil ên ku bersivê bidin xwestekên hemû alîyan dê misogerkirina van armancên bilind bike.
Di civînê de behsa rêkxistina hêzên Pêşmerge jî hat kirin û Serok Bafil got: "Pirsgirêk taybetiyên xwe heye û em ê hemû hewlên xwe didin ji bo derbaskirina astengan. Em dixwazin hêzeke niştimanî ya bihêz ava bikin ku xizmeta berjewendiyên herî bilind bike, lê divê adil be û dûrî berjewendiyên taybet be.
Serok BafIl di derbarê jiyana welatiyan û rewşa nebaş a mûçeyên karmendan de wiha got:  "Ji bo bidawîkirina vê rewşa nediyar divê hemû hewldan bibin yek û êdî rê nedin ku jiyana gel bibe qurbanê nakokiyên siyasî. Hewldanên me yên ji bo vê yekê berdewam dikin û dabînkirina jiyaneke bi rûmet ji bo gelê me karê me ye."
PUKMEDIA