Serok Bafil : Parastina şirîkatî, hemahengî û pêkvejiyana rasteqîne

PUKMEDIA

Serok Bafil Celal Talebanî û Balyoza Amerîka li Iraqê Alina Romanowski

Îro Çarşemê 1/11/2023, Serokê Yekîtiya Niştimanî ya Kurdistanê Bafil Celal Talebanî, li avahiya Polîtboruya Hewlêrê li gel Balyoza Amerîka li Bexdayê Alina Romanowski hevdîtinek pêkanî û di civînê de behsa mijarên dualî û rewşa dawî  li Iraq û Herêma Kurdistanê  û pêşveçûnên  li ser rewşa Rojhilata Navîn kirin.
Di hevdîtinê de ku, Berpirsê Ofîsa Peywendiyan Derbaz Kosret Resûl jî tê de amade bû, rewşa siyasî ya Herêma Kurdistanê, Iraq û Rojhilata Navîn hate gotûbêjkirin û tekezî li ser berdewamiya hewlên niştimanî bo derbaskirina kpirsgirêkan  û rakirina astengiyan hat kirin.
Serok Bafil Celal Talebanî tekez kir: “Parastina aramiya welat û damezrandina pêşerojeke baştir girêdayî hevkarî û hemahengiya navbera hêz û aliyên siyasî û diyaloga avaker di navbera wan de ye, ji bo bidestxistina van armancên bilind divê em hevkarî, yekîtî û jiyana hevbeş ya rasteqîn biparêzin. “
PUKMEDIA