Telar Letîf: Herêm di nebûna qanûndanînê de ye

PUKMEDIA

Telar Letîf

Berpirsê Navenda Yasayî ya Yekîtiya Niştimanî ya Kurdistanê (YNK) dibêje:  "Herêma Kurdistanê niha di nebûna desthilata yasadanînê de ye û divê di zûtirîn dem de  hilbijartinên rûniştina şeşemîn parlamentoyê were lidarxistin."
Berpirsê Navenda Yasayî ya Yekîtiya Niştimanî ya Kurdistanê (YNK) Telar Letîf di gotarekê de li hejmara 7an a kovara Navenda Yasayî de hatiye nivîsandin ku di beşa Nerîn ya PUKMEDIA de hatiye weşandin de wiha dibêje:’’ Yek ji stûnên sereke yên demokrasiyê hilbijartin e û ji bo bibandorbûna hilbijartinê pêwîstî bi yasayên guncaw û bi zanebûn hene, yasa ji me re dibêje ku divê hilbijartin bo heyameke diyarkirî, bi awayekî paqij, dûrî sextekarî û diziyê û li gorî îradeya dengderan were kirin.’’
"Nabe partiyek bûdceyeke mezin ji bo helmeteke hilbijartinê terxan bike, bi taybetî bûdceya ku jêdera wê ne diyar e yan jî pereyê petrolê û diravên giştî ne. Ji ber vê yekê hilbijartin li  welatên demokrat bi başî digihêjin armancên xwe, lê li welatên din ku nagihîje wê armancê , kes û aliyên xelet digihêjin cihê berpirsyarî û nûnertiyê.” Telar Letîf dibêje
Telar Letîf  berpirsê Navenda Yasayî ya Yekîtiya Niştimanî ya Kurdistanê (YNK) got: “Divê Kurd bi yek lîste beşdarî hilbijartinên encumenên parêzgehan bibûna, weke ku YNK daxwaz kiriye, daku helmetên hilbijartinan li dijî hev nebin û dengên Kurdan belav nebin û pûç nebin.’’
Telar Letîf di derbarê  hilbijartinên Parlamentoya Kurdistanê got:"Herêma Kurdistanê niha bi sedema bidawîhatina rûniştina pêncem a parlamentoyê di nebûna vê saziya giring de ye û bi eşkere em dikarin bêjin ku, herêm hêza yasadanînê nîne, ji ber wê jî divê di demeke nêzîk de hilbijartinên rûniştina şeşemîn a parlamentoyê were lidarxistin."
Nakokiyên di nava hikûmetê de û kêmbûna azadiya raderbirînê li herêmê, bi taybetî piştî girtina çalakvanan li Badînan, pêgeha Herêma Kurdistanê lawaz kiriye. Niha  hemû aliyên Kurdistanî pêwîste di berjewendiya giştî de nakokiyên xwe bidin aliyekî û careke din pêgeha Herêma Kurdistanê bihêztir bikin û vegerin ser rêya serdema Mam Celal, ku bibu  sîwana berhevkar ya aliyên nakok  yên Kurdistanê  û bihêz kirina Helwesta kurdan li ser asta navxweyî{Iraq û Kurdistan} û navneteweyî.” Telar Letîf got
PUKMEDIA