Girtina wan du rojnamevanan ti pêwendiya xwe bi pîşeya wan ve nine

PUKMEDIA

Letîf Nêrweyî

Serokê Yekîtiya Niştimanî ya Kurdistanê (YNK) Bafil Celal Talebanî nûnerê xwe destnîşan kir ku serdana her du rojnamevanên girtî li Silêmaniyê bike û li dosyayên wan lêkolînan bike û rastiyan ji raya giştî re eşkere bike. Letîf Nêrweyî wekû nûnerê Serokê YNK ê  ku lêkolîn li ser vê dosyayê kiriye, di kongirekî rojnamevanî de got: ‘’Girtina wan her du rojnamevanan ti pêwendiya wan bi karê rojnamevanî û hizbî re nîne û ew ji ber şer û rûreşiyê hatine girtin.’’
Letîf Nêrweyî berpirsê desteya Buroya Ragihandin û Hişyariyê û nûnerê serok Bafil bo lêkolîna dosyeya 2 rojnamevanên girtî li Silêmaniyê di kongirekî rojnamevanî de ragihand :“Piştî belavbûna gotegotên curbicur derbarê girtina wan du rojnamevanan de, ku bi îdiaya ji aliyê hêzên dije-teror an komando û hêzên ewlehiyê ve hatine revandin, li ser biryara Bafil Celal Talebanî Serokê Yekîtiya Niştimanî ya Kurdistanê min ligel Hawdîn Mehmûd weke rojnamevan dest bi lêkolînê li ser wê dosyayê kir û piştî gihandina zanyariyan me zanî ku ew kesên hatine binçavkirin ji aliyê polîsên Silêmaniyê ve hatine girtin û li baregeha wan mêvan in.”
Wî zêde kir:“Piştre me serdana baregeha her du rojnamevanan kir û dît ku yek ji wan ji ber mijarên siyasî û rojnamevanî nehatine girtin, lê rojnamevan Cemal Ebdullah li ser du dosyayên kevin hat girtin, yek ji wan li ber şer û pevçûn bû. Rojnameger Emad Bîlal bi giliyê hevkarê xwe bi îxbara îftirayê hatin desteserkirin û her du rojnameger jî li salona 1. a ku odeya pêşwaziyê ye hatin binçavkirin.”
Her wiha got:“Herdu rojnamevanan hemû gotegotên ku hatine revandin red kirin, lê rastiya bûyerê jî piştrast kirin û gotin ku rewşa wan gelek baş e û spasiya hewlên me kirin û gotin ku girtina me ti têkiliya wê bi partiyê re nine. Yek ji rojnamevanan got ez dixwazim bêjim we bi helwesta xwe we îspat kir ku YNK partiya Mam Celal û Hêro Xan e, partiya qelem û azadiya hemû rojnamevanan e. Letîf Nêrweyî got em ê ne tenê parastina rojnamegerên YNK’ê bikin, em ê hemû rojnamegerên alîgir û bê alî jî wekî yên xwe bihesibînin û em ê piştgiriyê bidin wan.’’
Letîf Nêrweyî got jî: “Em wek YNK destêwerdanê di biryara Serok Bafil de nakin, lê em daxwaza nermbûna herî zêde di çarçoveya yasayî de li hember her du rojnamevanan bikin û her tiştê ku ji destê  YNKê  bê  ji bo azadiya ragihandinê li Herêma Kurdistanê, emê ji parastina rojnamevanan dudilî nebin. ‘’
Berî niha Yekîtiya Rojnamegerên Kurdistanê (KUJ) Şaxê Silêmaniyê û Navenda Metro ya Parastina Mafê Rojnamegeran bi daxuyaniyekê ragihandibûn ku rojnamevan Cemal Ebdullah 9 caran ji ber şer û pevçûnan ji aliyê dadgehê ve hatiye gazîkirin.
Rojnameger Îmad Bîlal jî bi hinceta îftirakirina hevkarekî wî hatiye girtin, dosyaya van her du rojnamevanan ti têkiliya wan bi rojnamegerî û siyaseta partiyê ve nîne.
PUKMEDIA