Saziya Serok Celal Talebanî li Helebce kursek vedike

PUKMEDIA

Mamosteyên Zanîngeha Helebce

Serokê Saziya Celal Talebanî ji bo mamosteyên zanîngeha Helebce kursên teknolojiyê vedike.
Serokê Saziya Celal Talebanî bi hevkariya zanîngeha Helebce kursek (Kursa Rahênana ICT û Amûrên Akademîk ên Nûjen) ji bo çend mamostayên Zanîngeha Helebce vekir.
Di merasîma girtinê de balyoz Dr. Mihemed Sabir Serokê Saziya  Serok Celal Talebanî gotarek pêşkêşî mamostayên beşdar kir û got: Saziya  Serok Celal Talebanî dê berdewam be li ser vekirina kursên bi vî rengî û armanca me ew e ku bi rêya van kursan mamosteyên pispor perwerde bikin.
 Her wiha got:’’Di çarçoveya îmzakirina rêkeftinekê de li gel zanîngeha Helebce ye , Helebce û Helebceyî ya ji bo me girîng in, em dixwazin piraniya projeyên me li Helebce bin. Vekirina vê kursê di çarçoveya îmzakirina rêkeftinekê li gel zanîngeha Helebce ye , Helebce û Helebceyî ya  ji bo me girîng in. Em dixwazin piraniya projeyên me li Helebce bin.’’
Kurs mijarên herî dawîn ên zanistî û teknîkî yên ku ji bo mamosteyek zanîngehê di pêvajoya perwerdeyê de hewce ne û her wiha amûrên akademîk (alavên akademîk ên nûjen) yên ku pêwîste bo akademîsyenek wekî mamoste an lêkolînerê navendek akademîk , kurs di heman demê de dersên çêkirina hesab û bernameyên herî dawî yên navneteweyî, weşandina lêkolînan di kovarên zanistî yên navneteweyî de ku mamoste hewce ne û jê sûd werdigirin, vedihewîne.
Kurs bi beşdariya mamostayên zanîngeha Helebce hat lidarxistin, ev dewre çar hefte bû û roja duşemê 23/10/2023 bi dawî hat. Mehabad Kamil Abdullah Rektorê Zanîngeha Helebce , spasiya saziya Serok Celal Talebanî kir û hêvî kir ku kursên wiha berdewam bin.
Di dawiya dewreyê de bawernameyên beşdariyê ji mamosteyên beşdar re hatin dayîn û Baware Mihemed mamosteyê beşa kompîturê ya zanîngeha Helebce, mamosteyê kursê bû. Ev kurs yek ji rêze kursên ku ji aliyê Saziya  Serok Celal Talebanî ve ji bo hin fermangehên cuda li Silêmaniyê hatiye vekirin , mebest jê pêşxistina şareza û bihêzkirina zanyariyên mamosta û karmendan e di warê maf û erkên wan ên di warê rêvebirinê de ye.
PUKMEDIA