Wasta Resûl: Di 16ê Cotmehê de YNKê şerê sê dewletan kir

PUKMEDIA

Wasta Resûl endama Serkirdayetiya YNK

Endamê Serkirdatiya Yekîtiya Niştimanî ya Kurdistanê (YNK) dibêje:"Di 16'ê Cotmehê de me şerê sê dewletan kir. Em şikestin di şer de  lê hîn hêzên din bi bê şer  reviyan."
Endama Serkirdayetiya Yekîtiya Niştimanî ya Kurdistanê (YNK) û berpirsa berê ya eniya çarê li Kerkûkê Wasta Resûl di civîneke rojnamevaniyê de bi helkefta şeşemîn salvegera şehîdên 16ê Cotmehê, ragihand: ‘’Di 16’ê Cotmehê de Iraq, Tirkiye û Îranê li dijî me şer dikirin.”
‘’Di 16ê Cotmehê de me li dijî sê welatan şer dikir, Iraqê artêşa xwe bi çek û hêz li dijî me tijî kiribû, ji ber ku şer ne tenê Iraq kir , Îran û Tirkiyê jî gel wan bû, fermandarên her sê welatan şerê Xurmatû  birêve dibirin."Wasta Resûl wiha dibêje
Her wiha got: "Di 16ê Cotmehê de em di şer de şikestin lê  hêzên PDK reviyan û cihên xwe radestî artêş û Heşda Şeibî kirin. Ev cudahiya wê yekê ye ku divê gelê Herêma Kurdistanê bizane kê şer kiriye şehid daye  û kî reviyaye."
Şeş sal bi ser bûyerên 16ê Cotmehê re derbas bûn ku artêşa Iraqê û Heşdî Şeibî bi planekî navxwe û derve  li devera Beşîr êrişî hêzên Pêşmerge kirin û di encamê de piştî çend saetên berevaniyê, 38 pêşmergeyên Yekîtiya Niştimanî ya Kurdistanê (YNK) şehîd bûn û 104 pêşmerge jî birîndar bûn.
PUKMEDIA