YNK: Giringîpêdan bi ciwanan û cîbicîkirina daxwazên wan

PUKMEDIA

Logoya Yekîtî

Serokê Yekîtiya Niştimanî ya Kurdistanê Bafil Celal Talebanî piştrast kir ku pêwîstî bi danana giringiyê ji ciwanan re heye û peydakirina derfetan ji wan re da ku sûd ji şiyanên wan werbigrin. Herweha serok Bafil Celal Talebanî di dema beşdarbûna xwe di Dîdara Mêrî de ku li Hewlêrê birêve çû got: “Em dikarin bi gelek awayan xizmeta gelê xwe bikin û eger niha em nikarin mûçeyên wan weke pêwîst peydakirin, em dikarin asayîşa wan biparêzin. Her wiha balkişand li ser pêwîstiya serxwebûna dadweriyê û got: “Ez dixwazim ronî bixim ser wê yekê ku çima ciwanên me ji welatê xwe direvin? Dibêjin ku ji aliyê petrol û gazê ve Herêm dewlemend e, lê ez dibêjim ku em bi girseya xwe û bi ciwanên xwe yên her du zayendan dewlemend in. Ez niha bi çend hevalan re mijûlî amadekirina plansaziyeke 5 salî me, lê piştrast bin ku ev mijar ne tenê ji aliyê Yekîtiya Niştimanî ve wê pêk were lê ji aliyê hikûmetê ve divê pêk were.

Giringî pêdan ji ciwanan re

Endamê Encûmena Serkirdatiya Yekîtiya Niştimanî ya Kurdistanê Letîf Nêroyî ji malpera fermî ya Yekîtiya Niştimanî PUKMEDIA re ragihand: Yekîtiya Niştimanî ya Kurdistanê giringiyeke mezin dide ciwanan û pêşxistina şiyanên wan û peyama Serokê Yekîtî Bafil Celal Talebanî ji bo ciwanan dûrbûneke wê ya stratejîk heye.
Got jî: di pêncemîn kongreya Yekêtî ya Nîştîmanî ya Kurdistanê da bi hûrî behsa rewşa lawan li herêma Kurdistanê û rêyên çareser kirina kêşeyên wan û xizmetkirina baştir bo wan hat kirin û ev jî nîşan dide ku ciwan pişkeka mezin a stratejiya serok Bafil Celal Talebanî ne.

Avakirina gelek rêxistinên ciwanan

Letîf Nêroyîî dibêje: Yekîtiya Niştimanî ya Kurdistanê ji destpêka damezrandina xwe ve giringiyeke mezin daye ciwanan û pêşxistina şiyanên wan û ji bo vê yekê jî gelek rêxistinên ku bi pirsgirêkên gencan re mijûl dibin, peydakirina derfetên kar û derxistina şarezayên wan ava kiriye.
Got jî: Yekîtiya Niştimanî hertim hewla çareserkirina kêşeyên ciwanan û kêmkirina diyardeya koçkirina wan bo derveyê welat dide û Yekîtî navendên ciwanan, Komeleya Xwendekarên Kurdistanê û gelek rêxistinên din ku bi rewşa ciwanan ve mijûl in, ava kirine.

Ciwan dewlemendiya rastîn a Herêma Kurdistanê ne

Letîf Nêroyî dibêje: Serok Bafil Celal Talebanî di axaftina xwe de tekez li ser wê yekê kir ku ciwan serweta rastîn a Herêma Kurdistanê ne û ne tiştên din.
Got jî: Divê em zemîneke guncaw ji bo ciwanan peyda bikin ku jêhatî û zanîna xwe bo xizmetkirina welatê xwe û malbatên xwe bikar bînin û xizmeta welatên din nekin û eve jî dewlemendîya rastîn a welat e.

Stratejiya neteweyî

Endamê Ofîsa Ragihandina Yekîtiya Niştimanî ya Kurdistanê Aryen Mihemed ji PUKMEDIA re ragihand: Stratejiya niştimanî ya Serok Bafil Celal Talebanî ji bo xizmetkirina ciwanan ji çarçoveya dirûşmeyan derketiye.
Got jî: ev stratejî ku xizmeta ciwanan dike, bûye nexşerêyek û di dema karkirina kongireya pêncem a Yekîtiya Niştimanî û civînên Encûmena Serkirdayetiyê de tekezî li ser vê yekê hat kirin.

Peydakirina derfetan ji bo ciwanan

Aryen Mihemed dibêje: Stratejiya niştimanî ya Serokê Yekîtiya Niştimanî ya Kurdistanê û nexşerêya xizmetkirina ciwanan tê de ye, ku gencan bicivîne û hemû derfetan bide wan ji bo nîşandana şiyanên xwe di hemû warên jiyanê de.
Got jî: Li ser astê hikûmraniyê jî, nexşerêya rê, gihandina xortan, cîbicîkirina rolên wan û sûdwergirtina ji şiyanên wan di hemû warên rêvebirinê de ye.

PUKMEDIA