Berdevkê YNKê: Em zêdetir giringiyê didin ciwanan

PUKMEDIA

Saadî Ehmed Pîre

Berdevkê Yekîtiya Niştimanî ya Kurdistanê (YNK) got: "Emê hemû hewlên xwe ji bo serkeftina her du hilbijartinên pêşwext kom bikin,em gelekî girîngiyê didin ciwanan û xeyalên wan pêk tînin.’’
Berdevkê Yekîtiya Niştimanî ya Kurdistanê (YNK) Saadî Ehmed Pîre di civîneke çapemeniyê de got; “Îro yekemîn civîna Mekteba Siyasî ya Yekîtiya Niştimanî ya Kurdistanê (YNK) hat lidarxistin û me bi serokatiya Bafil Celal Talebanî serdana çend hevalên YNKê kir û emê serdanên xwe berdewam bikin. Wî got:“Mijara hilbijartinên encûmenên parêzgehan mijara civîna encûmena siyasî bû û giringe hemû şiyanên xwe kom bikin ji bo serkeftina van her du hilbijartinên li pêş me ye.’’
Berdevk wiha jî got:  “Lijneyek ji bo guhertinên di nav organên YNKê de hatiye avakirin û di civînên bê de dê erk li ser endamên Mekteba Siyasî were parve kirin.’’
Saadî Ehmed Pîre got:  “YNK xwe partiyeke ciwan dibîne û ji wê aliyê ve jî dixwaze giringiyeke mezin bide ciwanan û xeyalên wan pêk bîne û derfetên kar ji wan re peyda bike.’’
Berdevk Saadî Ehmed Pîre di bersiva pirsa  ku ,“Eger mûçeyê fermanberên Hikûmeta Herêma Kurdistanê ji aliyê Bexdayê ve were parve kirin , herêm lawaz dibe got:’’Divê em ji bîr nekin ku em Kurd li Iraqa nû, xwedî serokomar û çend wezîr in , lewra em difikirin ku ew hizira ne rast e û herêm bi wê lawaz nabe.”
PUKMEDIA