Talebanî: Nabe welatiyên Herêma Kurdistanê bê mûçe bin

PUKMEDIA

Hevdîtinên bi Qubad Talebanî re

Îro dûşem 10.09.2023ê li bajarê Hewlêrê, Qubad Talebanî Cîgirê Serokwezîrê Herêma Kurdistanê pêşwaziya Christiana Homann Balyoza nû ya Almanyaya Federal li Iraqê kir û di civînê de çendîn mijarên bi berjewendiya hevbeş gotûbêj kirin.
Di hevdîtinê de Qubad Talebanî pîrozbahiya destbikarbûna balyoza nû ya Almanyayê li ser karê xwe yê nû kir û hêviya serkeftinê ji bo cîbicîkirina erkên xwe û zêdetir bihêzkirin û pêşxistina peywendiyên dualî di navbera Herêma Kurdistanê û Hikûmeta Almanyayê nîşan da.
Qubad Talebanî balkişand li ser astengiyên li pêşiya cîbicîkirina yasaya bûdceya giştî li Iraqê û got: “Em li pey dîtina çareseriyên guncaw bo kontrolkirina pirsgirêkên  di navbera Herêm û Bexdayê de ne, ji ber ku welatiyên herêmê bêyî mûçe û bûdce nikarin bijîn. ”
Cîgirê Serokwezîrê Herêma Kurdistanê herwiha spasiya alîkariyên hikûmeta Almanyayê bo Herêma Kurdistanê kir, bi taybetî alîkarî û hemahengiya ji bo projeyên ku ji aliyê ofîsa cîgirê serokê hikûmeta herêmê ve hatine amadekirin û ji wan jî cudakirina çavkaniyên dahatê , pirojeyên çaksaziya aborî û pirojeyên çandiniyê, ku hikûmeta Almaniya di van hemû waran de piştgirî da Ofîsa Cîgirê Serokwezîrê Herêmê.”
Li beşekî dinê vê hevdîtinê de pirsa çaksaziya di Wezareta Pêşmerge de hat gotûbêjkirin û Qubad Talebanî di derbarê mekanîzma birêvebirina proseya çaksaziyê di nava rêzên hêzên Pêşmerge de, ronîkirinên pêwîst pêşkêş kir û piştgiriya hikûmeta Almanyayê di vî warî de bilind nirxand , ku di salên derbasbûyî de di hemû qonaxên pêvajoyê de alîkariyeke berfireh pêşkêş kiriye.
PUKMEDIA