Serok Bafil ji endamên serkirdayetiyê re: Xizmeta Kurdistanê bikin

PUKMEDIA

Serok Bafil

Bi serpereştiya serokê Yekîtiya Nştimanî Bafil Celal Talebanî Encumena Serkirdatiya nû ya Yekîtiya Niştimanî piştî kongreya pêncemîn yekemîn civîna xwe wek destpêka karên xwe piştî kongreyê lidar xist.

Di destpêka civînê de ku li hola encûmena serkirdayetiya bajarê Silêmaniyê hate lidarxistin, Serok pîrozbahî li rêhevalên nû yên serkirdayetiyê kir û tekez jî kir ku divê her kes weke tîmekê kar ji bo pêkanîna erkên çarenûs û xizmetkirina Kurdistanê bike.

Di berdewamiya civînê de Serokê YNK'ê rola rêheval Omer Şêx Mûsa endamê desteya damezrîner û heval Dilêr Seyd Mecîdî di serkeftina kongreyê de nirxand û ragihand Em bi rêz û hurmeteke mezin li rol û helwesta we dinêrin û bi we serbilind in.

Li ser navê Encumena Serkirdayetiyê Serok Bafil spasiya rêhevalên komisyona Rêveberiya Kongreyê kir ku bi awayekî serkeftî erkên xwe bi cih anîne û li hember de jî rapor û belgeyên pejirandî yên kongreyê pêşkêşî Serok Bafil kirin.

Li beşekî dinê vê hevdîtinê de behsa erkên hizbî û rêxistinî hate kirin û tekez li ser pabendbûna bi jiyana xelkê û mûçeyê fermanberên herêmê kirin ku wê bibe karê serkirdayetiyê. biryare jî ku civîna encûmena serkirdetiyê wê sibe jî berdewam bike.


PUKMEDIA