Çilrojiya şehîd Niyaz Dergelayî birêveçû

PUKMEDIA

Çilrojiya şehîdê Pêşmerge Niyaz Dergelayî

Îro şemiyê 7-10-2023`an piştî nîvro Çilrojiya şehîdê Pêşmerge Niyaz Dergelayî bi amadebûna hejmareke zêde ji heval, dost û kesûkarên wî li bajarê Ranyayê birêveçû  .
Merasîm bi xwendina çend ayetên Qurana pîroz dest pê kir û piştre beşdaran destegul li ber peykerê şehîd Niyaz Dergelayî danîn û sirûd ji aliyê Peymangeha Hunerên Bedew a Ranya ve hate pêşkêşkirin.
Berpirsê malbenda Raperîn  YNKê Ehmed Zirar behsa rola şehîd Niyaz Dergelayî di şoreşa nû de û berdewamiya têkoşîna wî heta dawiya şehadeta xwe ya li ser rêya Mam Celal kir û got.“Em îro li ber peykerê şehîd Niyaz radiwestin û bejna xwe li ber, têkoşîn û dilsoziya wî ditewînin.’’

Armanca şehîd Niyaz xizmetkirina gelê Herêma Kurdistanê bû

Wî got: “Şehîd Niyaz Dergelayî rêhevalekî têkoşer yê YNK’ê bû û li her cihê ku YNK’ê kar bê sipartaba , Niyaz Dergelayî amade bû. Armanca şehîd Niyaz xizmetkirina gelê Herêma Kurdistanê bi giştî û herêma Raperînê bi taybetî bû, ji bo vê heta nefesa xwe ya dawî li ber xwe da.’’
Luqman Wardî wek nûnerê cîgirê serokwezîr û encûmena serkirdatiya YNKê di merasîmê de gotarek pêşkêş kir û got: Şehîd Niyaz Dergelayî zêdetirî 40 salan ji jiyana xwe bo azadiya gelê xwe terxan kiriye, mixabin 40 roj berê bi destên xiyanet û terorê şehîd bû, xwe feda kir.’’

 Yekîtî tenê ji Xwedê re serê xwe ditewîne

Wî zêde kir:“Em wek Yekîtiya Niştimanî ya Kurdistanê (YNK) tawîzê nadin xwîna ti kadro, pêşmerge û fermandarên xwe yên ku bi xiyanet û terorê şehîd bûne,wekû Serok Bafil di pêncemin kongreya YNKê de got (Em wekû  Yekîtîyê tenê ji Xwedê re serê xwe ditewînin) û ev jî ji me re dibêje ku YNK weke kelehekê li pişt me ye û tawîzê nade xwîna me.”
Aram Qadir Xebat wêneyekî taybet yê şehîd Niyaz Dergelayî pêşkêşî malbata wî kir û got: ‘’Geliyê Xanaqa, Rewandz, Balakatî, Dergala û Soran şahidên lehengiya şehîd Niyaz Dergelayî ne û em şahidiya wê yekê dikin ku şehîd Niyaz Dergelayî hemû hewlên xwe ji bo baştirkirina rewşa xelkê Herema Kurdistanê da. ‘’

Şehîdê Pêşmerge serfiraziya YNKê û Kurdistanê ye

Got jî: Şehîd Niyaz di temenekî gelek ciwan de tevlî refên Pêşmerge bû û di wî temenê xwe yê biçûk de beşdariya wî di lehengiya Pêşmerge de diyar bû, bi çend hevalên din re hat serê çiyê û agirekî din da pêşmergeyan û ev jî cihê şanaziyê ye ji bo malbat, xizm, dost û hevalên wî û îro şehîd Niaz Dergelayî bi bîr tînin û soza berdewamkirina rêya wî didin.’’
Di dawiya merasîmê de axaftina malbata şehîd Niyaz Dergelayî ji aliyê kurê wî ve hate xwendin û piştî bixêrhatina mêvanan , spasiya YNKê kir ku hertim li pişt wan bûye û soza berdewamiya li ser rêya şehîd Niyaz û xizmetkirina gel û welat da.
PUKMEDIA