Serkirdayetiya YNKê yekem civîna xwe pêk tîne

PUKMEDIA

Logoya YNKê

Biryar e sibe Yekşemê 8.10.2023 Encûmena Serkirdatiya nû bi serperiştiya Serokê Yekîtiya Niştimanî ya Kurdistanê Bafil Celal Talebanî yekem civîna xwe lidar bixe.
Di vê derbarê de endamê Encûmena Serkirdayetiya Stran Ebdullah ji malpera fermî ya Yekîtiya Nîştimanî ya Kurdistanê PUKMEDIA re ragihand: “Encûmena nû ya serkirdayetiya Yekîtiya Nîştimanî ya Kurdistanê dê sibe roja yekşemê yekem civîna xwe bi serperiştiya Serok Bafil Celal Talebanî li bajarê Silêmaniyê pêk bîne.”
Li gor rêziknameya navxwe ya Yekîtiya Niştimanî ya Kurdistanê ku di kongireya pêncem de hatiye pesendkirin, di maddeya 22 - xala 4ê ya wê civînê de hatiye ku (piştî bidawîhatina konfgreyê , Serokê Yekîtiya Niştimanî ya Kurdistanê dê Encumena Serkirdayetiyê vexwîne bo  civinê  û dê serperiştiya civîna yekem bike), û li gor xala 1ê ya heman maddeyê, encûmen ji 61 endaman pêk tê û serokê Yekîtiya Niştimanî jî di nav de ye.
Kongreya  pêncemîn ya Yekîtiya Niştimani ya Kurdistanê di 27.09.2023ê de bi beşdariya 600 hevalên Yekîtiya Niştimanî ya Kurdistanê dest pê kir û 5 rojan berdewam kir û Bafil Celal Talebanî bi hemû  denga wek serokê Yekîtiya Niştimanî ya Kurdistanê hat hilbijartin û piştra ku  60 endamên Encumena Serkirdayetiyê hatin  hilbijartin  û rêziknameya  nû ya Yekîtiya Niştimanî ya Kurdistanê hat  pesend kir.
PUKMEDIA