Îro şeşemîn salvegera koça dawî ya mirovê mezin Serok Mam Celal e
Kurdistan 09:58 AM - 2023-10-03Rumeta Gel,Serok Mam Celal
Çûyîna Serok Mam Celal ne tenê ji bo Yekîtiya Niştimanî ya Kurdistanê û gelê Kurd xisareke mezin bû ji bo hemû Iraq û hemû navçeyê jî , ji ber ku valahiya ku wî hiştiye ewqas mezine ku tijekirina wê zehmete û demeke dirêj de bandora xwe li ser her kesî bihêle. Mam Celal yekem serokomarê kurd ê Iraqê bû ku di piroseseke tenê demokratîk de hat hilbijartin, ji ber ku Iraqiyên ji hemû pêkhateyên netewî, olî û mezhebî bi yekdengî li ser wî razî bûn. Ev lihevkirin ne ji nedîtî ve hat, belkî ji ber rola Serok Mam Celal bibandor a ku piştî rûxandina dîktatoriyê di avakirina Iraqê de lîst.
Ev serokê ku ji refên Pêşmerge hat, nimûneyeke berçav a qurbanîdan û rizgariyê bû, ji ber ku zêdetir ji nîv sedsalê bi awayekî bêwestan ji bo bidestxistina mafên gelê Kurd û avakirina Iraqeke demokratîk û federal şer kir.
Ev rêberê ku tu carî xema astengî û zehmetiyan nedikir û ji bo gihandina armancên pîroz ên ku ji bo wan xebat û canê xwe feda kir, dudilî nebû.
Siyasetmedarekî bêhempa bû ku hertim dixebitî ku hemû partiyan di bin sîwanekê de bihêle, ji her kesî di heman dûrbûnê de rawestiya û her dem beşek ji çareseriyê bû , ne beşek ji pirsgirêkê ji bo Iraqiyan.
Ji ber vê yekê Mam Celal ne tenê di dîroka Kurd û Iraqê de, lê di dîroka gelên herêmê û cîhanê de jî serok û rêberekî diyar û bêhempa tê hesibandin.
Koça dawî ya Mam Celal valahiyeke mezin di nav rêzên Yekîtiya Niştimanî ya Kurdistanê de hişt û rola ku Yekîtiya Niştimanî ya Kurdistanê di peywendiyên xwe yên ligel aliyên siyasî yên li meydana Iraq û navçeyê de list ziyan ber ket û dîtina kesekî ku rola Mam Celal bilîze zehmete.
Îraq û Kurdistan û herêmê rastî gelek pirsgirêkan hatin ku di dema hebûna wî de rû nedabûn û eger rû bidaya jî dê bi jîr û dûrbîniya xwe çareyên rast ji wan re peyda bikira, nemaze li ser pirsgirêkan ku niha di navbera herêmê û hikûmeta federal de heye.
Di vê salroja bi êş de, Saziya Serok Celal Talebanî bang li hemû endamên Yekîtiya Niştimanî ya Kurdistanê, Pêşmerge û hemû aliyên Kurdistanî dike, ku nimûneya vî rêberê hêja bişopînin, dev ji nakokiyan berdin. Welat û gel di ser hemû berjewendiyan re, ji bo parastina destkeftên ku bi xwîna hezaran şehîdan û bi hewldana têkoşeran hatine bidestxistin û hemahengî û pêkvejiyan di navbera wan de hebe, her kes çi li Kurdistanê û çi li Iraqê.
Her kes ji Mam Celal re şahidiyê dike ku ew e yê ku dîrok çêkiriye û divê em hemû bi taybetî federalî ji wî mînakî bişopînin û rêya vî mirovê mezin vala dernexin û wî zindî bihêlin û nêzîkatiya wî biparêzin, raman û dîtin wî di hişê xwe de bihêlin.
Serokê Saziya Celal Talebanî bi teqez piştrast e ku ger em nêrîn, jîr û nêzîkatiya vî mirovê mezin bikin xeleka rêya xwe, emê hemû pirsgirêkan çareser bikin, emê Yekîtiya Niştimanî ya Kurdistanê vegerînin serdema berê. Em ê gelê xwe bigihînin aramiyê ku Kurd li Iraqê roleke bi bandor bilîze û Kerkûk pîroza Kurdistanê bikin armanca sereke, ji bo yekitiyan û îsbatkirina nasnameya Kurdistanî ya Kerkûkê bibe yek ji karên xwe yên pêşîn.
Silav li ruhê vî rêberê mezin û hemû şehîdên rêya têkoşînê.
Werin em vê salrojê bikin roja pêkvejiyan û yekgirtina rêzan ji bo bidestveanîna hemû armancên Serok Mam Celal ku piraniya jiyana xwe ji bo van armancan û parastina destkeftên ku bi xwîna şehîdan hatine bidestxistin terxan kiriye.
Serokê Saziya Celal Talabanî
PUKMEDIA
hewal ziyatr
-
Wek parêzgehên din ên Iraqê genim jî ji cotkarên Kurdistanê tê wergirtin
04:58 PM - 2024-05-06 -
Stran Ebdullah: Divê aliyên mezin li hember mafan xwedî berpirsyariyeke mezin bin
09:27 PM - 2024-05-05 -
Qubad Talebanî: Mirina çend endamên komeke çiyageran em hemû xemgîn kir
10:53 PM - 2024-05-03 -
Asayîşê dest danî ser kargeheke çêkirina madeyên hişber
06:08 PM - 2024-05-02
zêdetir tamaşe bike
Kurdistan 07:18 PM - 2024-05-06 Talebanî: Çavkaniyên me yên mirovî yên baş hene û ne rêxistinkirî ne
Serok Bafil gihêşt Washingtonê
07:09 PM - 2024-05-06
Komîsyonê dest bi çapkirina pusulayên dengdanê kir
04:30 PM - 2024-05-06
Ji ber şewatê bazirganên Hewlêrê bi milyonan dolar zerar dîtine
12:57 PM - 2024-05-06
Endamekî komîteya darayî: Pirsa bibankkirina mûşeya karmendan tê çareserkirin
12:18 PM - 2024-05-05
zortrin xwendraw
-
Stran Ebdullah: Divê aliyên mezin li hember mafan xwedî berpirsyariyeke mezin bin
Kurdistan 09:27 PM - 2024-05-05 -
Ji ber şewatê bazirganên Hewlêrê bi milyonan dolar zerar dîtine
Kurdistan 12:57 PM - 2024-05-06 -
Komîsyonê dest bi çapkirina pusulayên dengdanê kir
Kurdistan 04:30 PM - 2024-05-06 -
Wek parêzgehên din ên Iraqê genim jî ji cotkarên Kurdistanê tê wergirtin
Kurdistan 04:58 PM - 2024-05-06 -
Serok Bafil gihêşt Washingtonê
Kurdistan 07:09 PM - 2024-05-06 -
Talebanî: Çavkaniyên me yên mirovî yên baş hene û ne rêxistinkirî ne
Kurdistan 07:18 PM - 2024-05-06