Nêzî 250 endamên kongreyê ji bo rêziknameyê pêşniyarên xwe pêşkêş dikin

PUKMEDIA

Kongreya pêncemîn a YNKê

Peyvdarê kongreyê ragihand, kongreya pêncemîn a YNKê berdewam e û karê komîteyan bi dawî hat û got:“Eger îro hemû maddeyên rêziknameyê neyên dengdan û endamên encûmena serkirdayetiyê neyên hilbijartin, îhtimal heye ku kongre rojekê were dirêjkirin û nêzîkî 250 endamên kongreyê ji bo rêziknameyê pêşniyarên xwe şandine. ‘’
Peyvdarê pêncemîn kongireya Yekîtiya Niştimanî ya Kurdistanê (YNK) Telar Letîf ji PUKMEDIA re ragihand: “Tevî ku karê komîteyan bi dawî hatiye û raportên komîteyan jî hatine gotûbêjkirin, lê heta niha deng li ser rêziknameyan nehatiye kirin, ji ber ku piraniya pêşniyar û nêrînên endamên kongreyê li ser rêziknameyê bûn û hewl tê dayin fikirên  hevalan li ber çavan bigirin.’’
Letîf got: "Nêzîkî 250 endamên kongreyê pêşniyarên xwe pêşkêşî komîteya rêziknameyê kirine, herwiha gelek pêşniyar derbarê hersê encûmen, malbend  û ofîsan de hatine kirin."
Her wiha :“Piştî dengdana li ser rêziknameyê, dê endamên encûmena serkirdayetiyê bêne hilbijartin, lê eger îro nekare deng li ser hemû xalên rêziknameyê were dayîn, ku 65 made ye û endamên encûmena serkirdayetiyê nehatine hilbijartin dibe ku kongre rojekê were dirêjkirin.’’
PUKMEDIA